Bakıda kirayə evlərin qiyməti bahalaşacaq? - AÇIQLAMA

Artıq bir ildir ki, təhsil distant şəkildə davam etdirilir. Həmin səbəbdən də tələbələrin rayondan axını azalıb və bu, kirayə evlərin icarəsində durğunluq yaradıb. Dünən isə Təhsil Nazirliyi sentyabr ayının 29-da ali təhsil ocaqlarında və kolleclərdə dərslərin əyani şəkildə olacağı ilə bağlı qərarını verib. Bu qərar kirayə evlərin qiymətlərindəki balansda hansı dəyişikliklər edəcək?

Məsələ ilə bağlı Sonxeber.az-a açıqlama verən daşınmaz əmlak və inşaat üzrə ekspert Elnur Azadov bildirib ki, qiymət artımı hələlik çox nəzərə çarpmasa da, var:

"Təhsilin əyani olduğu elan olunduqdan, yəni sentyabrın 15 -dən sonra qiymət artımlarının olacağı proqnozlaşdırılır. Böyük şəhərlərin daşınmaz əmlak fondunun təxminən 17-18 faizi kirayə fondudur. Onların da 1/3-i tələbələrin hesabınadır. Bu, çox böyük paydır. Ona görə də, təbii ki, tələbələrin axını qiymət artımına təsir edəcək. Qeyd etmək istəyirəm ki, pandemiyadan əvvəlki dövrlə indiki dövr arasında 20-25 faiz fərqlə artım var. Bu zaman aralığında ən çox bahalaşan sutkalıq evlər oldu".

Aytəkin CƏLALİ

Telegramda izləyin

instagramda izləyin