Orenburqda daşqınlardan zərərçəkmiş yüzlərlə ev söküləcək

Rusiyanın daşqınlara məruz qalan Orenburq vilayətində 1,7 mindən çox ev söküləcək.

Bu barədə yerli hökumət nümayəndələri xəbər veriblər.

Bildirilib ki, Mənzil Qiymətləndirmə Komissiyası rayon üzrə ümumilikdə 5007 evə baxış keçirib.

"Bunlardan 3201-i əsaslı təmir olunacaq, 1745-i təhlükəli hesab olunub və sökülməlidir, 61-i isə yaşayış üçün yararlıdır", - deyə hökumətdən bildirilib.
Xatırladaq ki, Orenburq vilayətində daşqınlarla əlaqədar aprelin 4-də fövqəladə vəziyyət elan edilib. Uralda suyun səviyyəsinin qalxması səbəbindən Orsk bəndi dağılıb. Daha sonra su Orenburqun regional mərkəzinə qədər yayılıb. Artıq təhlükəli dövr keçib, rayonda normal həyat bərpa olunur.(oxu.az)

Telegramda izləyin

instagramda izləyin