"Almatıda keçiriləcək görüş, aparılan danışıqlar prosesinə müsbət təsir göstərəcək" - Politoloq

Xəbər verdiyimiz kimi, Ermənistan və Azərbaycanın xarici işlər nazirləri Ararat Mirzoyanla Ceyhun Bayramov Almatıda görüşəcəklər. Bununla bağlı Ermənistan XİN-in mətbuat katibi Ani Badalyan məlumat verib. Bununla belə, görüşün konkret tarixi açıqlanmayıb.

Məsələ ilə bağlı politoloq Məhəmməd Əsədullazadə Sonxeber.az-a açıqlama verib.

Politoloq görüşün uğurlu olacağına və aparılan danışıqlar prosesinə müsbət nəticə verəcəyini bildiirb:

"Azərbaycan Respublikasının Prezidenti cənab İlham Əliyevi daim vurğulayır ki, bu məsələdə vasitəçi və üçüncü tərəf ola bilməz. Biz Rusiya və qərbin bu məsələdə vasitəçiliyini gördük. Demək olar ki, bu vasitəçilik problemi həll etmir. Daha ciddi problemlər ortaya çıxır. Qazaxıstan prezidentinin Ermənistana səfərdin biz gözləyirdik ki, bu təklifi veriləcək. Qazaxıstan ərazisi neytraldır. Qazaxıstanda keçiriləcək görüşü Rusiya da qərb də qəbul edir. Çünki, Qazaxıstan burada vasitəçi deyil. Ermənistanın da artıq çıxış yolu yoxdur. Çünki, Rusiya ərazisində Ermənistanı istəmir, qərbin ərazisində isə problem həll olunmur. Buna görə də ən yaxşı variant Qazaxıstandır. Artıq Paşinyanda reallığı qəbul etmək məcburiyyətindədir. Ona görə də Qazaxıstanda görüşü qəbul etdi . Qazaxıstanda hər hansısa bir təzyiq meyarı yoxdur. Qazaxıstan və Ermənistan arasında əlaqələr də normalardır. Düşünürəm ki bu görüş çox uğurlu olacaq. Aparılan danışıqlar prosesinə müsbət nəticə verəcək".

Xatırladaq ki, Azərbaycan Prezidenti İlham Əliyev ABŞ dövlət katibi Entoni Blinkenlə telefon danışığı zamanı Qazaxıstan tərəfinin təklifinə uyğun olaraq tezliklə Azərbaycan və Ermənistan xarici işlər nazirlərinin Almatıda görüşəcəyini deyib.

Telegramda izləyin

instagramda izləyin