41 kilo arıqlayan qadın SİRRİNİ AÇDI - FOTOLAR

Avstraliyanın Viktoriya əyalətinin Celonq şəhərinin sakini, 42 yaşlı Coanna Lloyd bir ilə 41 kiloqram ataraq arıqlamağının sirlərini paylaşıb.

BiG.AZ-ın verdiyi xəbərə görə, bu barədə News.com.au yazır.

Belə ki, artıq çəkidən əziyyət çəkən iki uşaq anasının qida rasionu vaxtilə yalnız şirniyyat və "fastfood"dan ibarət olub.

Həmin dövrdə o, bədənini gen paltarlarla "gizlədib", çimərlik geyimi əvəzinə köynək və şort geyinib. Onun çəkisi 100 kiloqramdan çox olub.

2016-cı ildə qadın qohumunun toyuna gedərkən istədiyi geyimi güclə geyindikdə və özünü fotolarda gördükdə, nəhayət həyat tərzini dəyişməyin vaxtı çatdığını anlayıb.

Onun üçün ən çətin şey qida rasionunu dəyişdirmək olub. Əvvəllər avstraliyalı qadın heç vaxt evdə yemək hazırlamayıb, yarımfabrikat yeməklərə üstünlük verib və hətta maşınında da karamel gəzdirib. İndi isə Lloyd yeməklərini özü bişirir və şəkərdən uzaq durur.

Hər gün yarım saat trenajorda qaçır və mobil tətbiqlərdəki cədvəllərin köməyi ilə məşq edir.

Nəticədə, bir il ərzində Coanna 41 kiloqram arıqlamağı bacarıb. İndiyədək sağlam həyat tərzi sürən qadın özünü möhtəşəm hiss etdiyini deyir.

Lloyd arıqlamaq istəyənlərə tədricən kiçik, əldə edilə bilən hədəflər qoymağı məsləhət görür: "Bunu hər gün etməlisən, o zaman hər şey alınacaq".

Telegramda izləyin

instagramda izləyin