Ermənistanda qorxunc vəziyyət: 80 uşaq xəstəxanaya yerləşdirildi, çarpayı çatmır

Ermənistanda xəstəxanaya yerləşdirilən uşaqların sayı 80-ə çatıb.

Sonxeber.az xəbər verir ki, bunu Ermənistan səhiyyə nazirinin pediatriya məsələləri üzrə müşaviri Sergey Sərkisyan deyib.

"Ötən həftə 70 uşaq idi, indi 80-dir və getdikcə də artır. Hazırda reanimasiya şöbələrində ağır vəziyyətdə olan 2-3 uşaq var", - Sərkisyan bildirib.

Onun sözlərinə görə, hazırda xəstəxanalarda uşaq çarpayıları çatışmır, çünki hər gün daha çox yoluxma halları olur və buna görə də çətinliklər yaranır:

"İndi koronavirusun yeni ştammlarının uşaqlara təsirini öyrənirik. Hər halda, bir şey aydındır: yeni ştammın sirkulyasiyası şəraitində uşaqlar daha çox xəstələnirlər. Müsbət diaqnozların faizi artıb".

Erməni ekspert, "Alternativ layihələr" qrupunun üzvü Vaqe Ovannisyan da Ermənistanda koronavirusla bağlı fəaliyyətin milli fəlakətə çevrildiyi bildirib.

"İdarəetmədəki ciddi uğursuzluqlar və cəmiyyətin məsələləri zəif qavraması ciddi fəlakətə gətirib çıxarıb. Bu günə qədər toy mərasimləri, kütləvi əyləncələr keçirilir. Simptomları gizlədib ailələri ilə şənliklərə gedirlər. Yaxşı, vətəndaşlar bunu anlamır, bəs dövlət nə üçün mövcuddur?", - deyə V.Ovannisyan qeyd edib.

Onun sözlərinə görə, dövlət məhz bu cür məqamlarda lazımdır və artıq vaksinasiya üçün çox gecikilib.

Telegramda izləyin