8 NOYABR — ZƏFƏR GÜNÜ

"27 sentyabr 2020-ci il səhər saatlarında Ermənistan Silahlı Qüvvələrinin genişmiqyaslı təxribat törədərək cəbhəboyu zonada yerləşən Azərbaycan ordusunun mövqelərini və yaşayış məntəqələrini iriçaplı silahlar, minaatanlar və müxtəlif çaplı artilleriya qurğularından intensiv atəşə tutması nəticəsində, Ermənistan ordusunun döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan ordusunun komandanlığı tərəfindən qoşunların bütün cəbhə boyu sürətli əks-hücum əməliyyatı başlaması barədə qərar verilmişdir. Qarşıdurmalar nəticəsində Ermənistanda hərbi vəziyyət və ümumi səfərbərlik, Azərbaycanda isə hərbi vəziyyət və komendant saat, 28 sentyabrda qismən səfərbərlik elan edilmişdir. Qarşıdurmalar qısa müddətdə sürətlə alovlanmış və İkinci Qarabağ müharibəsinə çevrilmişdir".

Bunu Sonxeber.az saytına siyasətçi, deputat Vüqar İskəndərov deyib.

O, cənab Prezidentin həmin bölgədə gedən işlərlə tanış olduğunu, yeni obyektlərin bünövrəsinin qoyulmasında iştirak etdiyini vurğulayıb:

"Vandallar tərəfindən tamamilə dağıdılan bölgəmiz yenidən qurulur. Azərbaycan öz gücü ilə bunun öhdəsindən gəlir. Təbii ki, dəstək verən dost ölkələri unutmaq olmaz, amma əsas güc Azərbaycanın üzərinə düşür.

Düşünürəm ki, ölkəmizə gələn hər bir qonaq o bölgələrdə 30 ilə yaxın vandalların törətdikləri vəhşilikləri və onun əksi olaraq, tamamilə dağıdılan yerləri yenidən quran Azərbaycanı görür. Bu təzad açıq-aydın görünür. Azərbaycanın mövqeyi hər kəsə bəlli olur.

Deputat qeyd edib ki, Şuşa yenidən bərpa olunur, Ağdamın baş planı hazırdır, digər şəhərlərin isə baş planı üzrə işlər gedir:

"Ermənistan respublikası ilə 44 gün davam edən müharibə ərzində 4 oktyabrda Cəbrayıl, 17 oktyabrda Füzuli, 20 oktyabrda Zəngilan, 25 oktyabrda Qubadlı və 8 noyabrda Şuşa şəhəri işğaldan azad edilmişdir. Moskvada imzalanan müqaviləyə əsasən, noyabrın 10-u Bakı vaxtı ilə saat 01:00-dan etibarən Dağlıq Qarabağ münaqişəsi zonasında atəşin və hərbi əməliyyatların tam dayandırılması, 1 dekabradək Ermənistan qüvvələrinin Dağlıq Qarabağın ətrafında Ermənistan nəzarətindəki Azərbaycan ərazilərindən çıxarılması və Naxçıvan Muxtar Respublikası ilə Azərbaycanın qərb rayonlarını birləşdirən yeni nəqliyyat kommunikasiyalarının inşasının təmin edilməsi elan edilmişdir.".

AYSEL QULİYEVA

Telegramda izləyin

instagramda izləyin