Azərbaycana ən çox bu ölkədən avtomobil idxal olunur

Bu ilin iyul ayında ötən ilin müvafiq dövrü ilə müqayisədə, Gürcüstandan təkrar avtomobil ixracı 2 dəfə artıb.

Publika.az xəbər verir ki, bu barədə ölkənin Milli Statistika Xidməti məlumat yayıb.

Məlumata əsasən, 2021-ci ilin iyul ayında ölkədən 42,9 milyon ABŞ dolları dəyərində 5946 avtomobil çıxıbsa, bu il 101,4 milyon dollar dəyərində 9172 avtomobil satılıb.

Təkcə iyul ayında Gürcüstanın ən çox avtomobil satdığı 10 ölkənin siyahısını təqdim edirik:

● Azərbaycan - 30,3 milyon ABŞ dolları dəyərində 2 652 ədəd avtomobil;
● Ermənistan - 18 milyon dollar dəyərində 1449 ədəd avtomobil;
● Ukrayna - 28,9 milyon ABŞ dolları dəyərində 2815 ədəd avtomobil;
● Rusiya - 8,2 milyon ABŞ dolları dəyərində 580 ədəd avtomobil;
● Qazaxıstan - 4,7 milyon ABŞ dolları dəyərində 486 ədəd avtomobil;
● Qırğızıstan - 4,6 milyon ABŞ dolları dəyərində 773 ədəd avtomobil;
● Belçika - 1,5 milyon ABŞ dolları dəyərində 55 ədəd avtomobil;
● Belarus - 1,3 milyon ABŞ dolları dəyərində 44 ədəd avtomobil;
● Tacikistan - 1,1 milyon ABŞ dolları dəyərində 224 ədəd avtomobil;
● Almaniya - 870 min ABŞ dolları dəyərində 14 ədəd avtomobil;

Qeyd edək ki, il ərzində Gürcüstandan 370,8 milyon ABŞ dolları dəyərində avtomobil reeksport edilib.

Telegramda izləyin