Birinci siniflərə qəbulla bağlı imtahan ləğv edilir?

Bu gün keçirilən Elm və Təhsil Nazirliyinin bu gün keçirilən brifinqində müzakirə edilən mövzulardan biri də birinci siniflərin məktəbə imtahanla qəbulunun ləğv edilib-edilməməsi olub.

Sonxeber.az xəbər verir ki, bununla bağlı danışan Elm və Təhsil Naziri Emin Əmrullayev bu sahədə bir sıra islahatalar apararaq dəyişikiliklər edildiyini, lakin imtahanların aradan qaldırılmasının mümkün olmadığını vurğulayıb:

"Burada məsələyə iki tərəfdən baxmaq lazımdır. Birinci sinifə qəbul imtahanları niyə var? Pedaqoji nöqteyi nəzərdən birinci sinifə gedən uşağı imtahan etmək düzgün deyil. Amma sual oluna bilər ki, düz deyilsə, niyə imtahan keçirilir?

Məsələ belədir: valideynlər israrla istəyir ki, övladları onların seçdiyi məktəbdə oxusunlar. Məsələn məktəblərdən birində 600 adam oxumaq istəyir. Bir mexanizm olmalıdır ki, 600-dənn 200 nəfərə "Hə", qalanına isə "Yox" deyəsiniz.

Bizim çox az sayda 4400 məktəbimizin cəmi 20 ya da 30 məktəbində birinci sinifə qəbulla bağlı imtahan keçirilir. Bizim bütün yox, bəzi məktəblərimizdə birincilər imtahanla qəbul olublar.

Son dövrlərdə birinci siniflərin məkətəbə qəbulu ilə bağlı spesifik dəyişikliklər etmişik. Azərbaycan bölməsində demək olar ki, birinci sinifə imtahanla qəbul yoxdur. 3 ya da 4 məktəbə birinci siniflər qəbul imtahanı ilə götürülür. Rus bölməsində isə bu 30 ya da 40 məktəb təşkil edir".

Telegramda izləyin