"Bayrağımız Xankəndində dalğalanacaq"-AÇIQLAMA

"Bu gün bizim arzuladığımız ən gözəl gündür. Artıq sabah bayrağımız işğaldan azad olunan Zabux və digər kəndlərimizdə dalğalanacaq".

Bu sözləri Milli Məclisin deputatı Tahir Rzayev deyib.

O bildirib ki, bütün bu qələbələrin əsasında Azərbaycan Respublikasının Prezidentinin siyasəti, bizim igid əsgərlərimizin şücayəti durur.
"Onların qəhrəmanlığı nəticəsində bu torpaqlar azad olundu. Seperatçıların əlində müəyyən ərazilər var ki, həmin ərazilər də azad olunacaq. Prezident son çıxışında bildirdi ki, bizim bayrağımız Xankəndində dalğalanacaq.Şübhəsiz ki belə də olmalıdır. Haqq ədalət öz yerini tutur. Azərbaycan Ordusu haqqın,ədalətin uğrunda mübarizə aparırdı. Düşmən nə qədər güclü olsa da beynəlxalq təşkilatlar nə qədər Azərbaycanın tərəfini saxlamayıb ermənilərə havadarlıq eləsə də amma görünən budur ki, haqq ədalət öz yerini tapır. Bu gün səhərki məlumata əsasən, Laçında 4 ailə qalıb, onlar da artıq çıxmalıdırlar. Sabah Laçın tamamilə erməni seperatçılarından və onların qalıqlarından azad olunacaq. Çox sevincli bir gündür. Azərbaycan xalqı bü anı çoxdan gözləyirdi".
AYSEL QULİYEVA

Telegramda izləyin