Xanımı Zelenskidən yazdı: "17 yaşımızda tanış olduğum oğlan..." - FOTO

Ukraynanın birinci xanımı Olena Zelenskaya həyat yoldaşı Volodimir Zelenskini ad günü münasibətilə təbrik edib.

BAKU.WS-in məlumatına görə, birgə fotolarını paylaşan xanım Zelenski bunları qeyd edib:

"Məndən tez-tez soruşurlar ki, bu il necə dəyişdi? Mən həmişə cavab verirəm: "Heç dəyişməyib. O, eynidir. 17 yaşımızda tanış olduğum oğlan.

Əslində bir şey dəyişdi: İndi daha az gülümsəyirsən. Məsələn, bu fotodakı kimi... Gülmək üçün daha çox səbəb arzulayıram. Bunun üçün nə lazım olduğunu bilirsiniz. Hamımız bilirik.

Kifayət qədər inadkarlığın var. Əsas odur ki, kifayət qədər sağlamlıq olsun. Buna görə də sağlam ol! Mən həmişə səninlə gülümsəmək istəyirəm. Mənə bu fürsəti ver!"

Qeyd edək ki, Bu gün Ukrayna Prezidenti Volodimir Zelenskinin 45 yaşı tamam olur. O, 1978-ci il yanvarın 25-də Ukraynanın Krivoy Roq şəhərində doğulub. Volodimir 2003-cü ildə məktəb illərindən dostluq etdiyi Olena Zelenskaya ilə ailə həyatı qurub. Onların iki övladı var.

Zelenski prezidentliyə qədər şoumen, aktyor, rejisor, senarist, prodüser və bədii direktor kimi fəaliyyət göstərib. O, 2019-cu ilin aprelindən Ukraynanın prezidentidir.

Telegramda izləyin