Orxanın atası: "Oğlumun arzuları böyük idi"

"Oğlumla şəhid olmamışdan bir gün öncə danışmışdım".

Modern.az xəbər verir ki, bunu şəhid Orxan Əsgərovun atası Rizvan Əsgərov deyib.

"Ailəsi ilə də, bizimlə də danışırdı. Orxanın ailəsi Bakıda yaşayırdı. Oğlumun arzuları böyük idi. Orxan böyük türk dünyası uğrunda çalışırdı. Çox vətənpərvər idi, övladlarını da bu ruhda yetişdirirdi. Bundan sonra çalışacağıq ki, onun yarım qalan arzularını biz yerinə yetirək", - şəhidin atası bildirib.

Qeyd edək ki, yanvarın 27-də Azərbaycanın İran İslam Respublikasındakı səfirliyinə silahlı hücum olub. Terror aktı nəticəsində səfirliyin mühafizə xidmətinin rəisi Orxan Əsgərov şəhid olub, mühafizə xidmətinin iki əməkdaşı xəsarət alıb.

Telegramda izləyin