Ermənistan ötən il 400 milyon dollardan çox almaz ixrac edib

Ermənistanda iqtisadiyyat naziri Vahan Kerobyan 2022-ci ildə emal olunmuş almaz ixracı 400 milyon dolları keçib.

Sonxeber.az xəbər verir ki bu barədə Ermənistanın iqtisadiyyat naziri Vahan Kerobyan Armenpress-ə müsahibəsində deyib.

Kerobyan ötən il ölkəsinin ixracatının 77 faiz artdığını və bunun əhəmiyyətli hissəsinin təkrar ixrac məhsullarından ibarət olduğunu bildirib.

"2020-ci ildə ümumi emal olunmuş almaz ixracımız 75 milyon dollar, 2021-ci ildə isə təxminən 175 milyon dollar, 2022-ci ildə isə ixracımız 400 milyon dolları keçdi" ,- deyə Kerobyan bildirib.

"Keçən il dünyanın bir neçə aparıcı almaz şirkəti Ermənistanda almaz emalı fabrikləri qurmaq üçün layihələrə başlayıb və hazırda tamamlanmaq üzrədir" ,- deyə Kerobyan əlavə edib.

Kerobyan sözügedən fabriklərin ilin birinci rübündə açılacağını deyib. 2022-ci ildə zərgərlik məmulatlarının ixracının ilk dəfə olaraq 100 milyon dolları keçdiyini bildirib.

O qeyd edib ki, hazırda ticarət daha çox Gürcüstan üzərindən quru vasitəsilə həyata keçirilir və onu hava yolu ilə əvəz etmək çətin olacaq.

Kerobyan sərhədlərin açılması ilə Türkiyə və Yaxın Şərq bazarlarına çıxışın təmin ediləcəyini bəyan edib.

Ermənistanda işlənmiş almazlar ən böyük ixrac mallarından biri kimi tanınır.

Ermənistan Gömrük Xidmətinin məlumatına görə 2022-ci ildə emal olunmuş almaz ixracı 87 faiz artaraq 757 min karata çatıb.

Yenidən emal olunmuş almaz məmulatlarının 83 faizi BƏƏ-yə, 15,7 faizi isə Rusiyaya ixrac edilir. Az miqdarda ixrac edilən ölkələr arasında Honq-Konq, Belçika, ABŞ, Belarus, Gürcüstan, İsrail, Almaniya, Çin və Tayland var.

Ermənistan emal etdiyi almazın 52 faizini Hindistandan, 21 faizini Rusiyadan, 13,6 faizini isə Honq Konqdan idxal edir. BƏƏ həmçinin Belarus, Belçika, Cənubi Afrika, İsrail, Tailand, Çexiya, Almaniya və Kanadadan az miqdarda almaz alır.

Hindistanın ən böyük almaz şirkəti olan KGK Group-un Ermənistanda almaz emalı fabriki açacağı və şirkətin bu il 300 milyon dollar ixrac edəcəyi gözlənilir.

Şəbnəm Lətifi

Telegramda izləyin