YAP Lənkəran rayon təşkilatında Heydər Əliyevin anadan olmasının 100 illiyinə həsr olunan tədbir keçirilib

YAP Lənkəran rayon təşkilatında Ümumilli lider Heydər Əliyevin anadan olmasının 100 illiyinə həsr olunan tədbir keçirilib.

Tədbirdə ilk olaraq Türkiyədə baş vermiş zəlzələ nəticəsində dünyasını dəyişənlərin xatirəsi 1 dəqiqəlik sükutla yad edilib.

Daha sonra tədbiri açıq elan edən deputat Cavanşir Paşazadə Ümumilli lider Heydər Əliyevin fədakarlığı, onun ölkəmizin müstəqilliyi və bütün sahələrin inkişafı istiqamətində gördüyü çox mühüm işlərdən danışıb.

Deputat qeyd edib ki, ulu öndər Heydər Əliyev Azərbaycan xalqı və dövlətçiliyi üçün misilsiz xidmətlər göstərib:

"Heydər Əliyev Azərbaycan xalqının və dövlətinin taleyüklü problemlərini həll edən tarixi şəxsiyyətdir. Ulu Öndərin milli və dövlətçilik maraqlarına xidmət edən zəngin fəaliyyəti Azərbaycan xalqının tarixində dərin iz buraxaraq əsl dövlət idarəçiliyi məktəbinə çevrilib. Azərbaycan xalqı bundan sonra da ümummilli liderin zəngin siyasi irsindən ölkəmizin inkişafı, xalqımızın rifahı naminə faydalanacaq, Azərbaycan Heydər Əliyevin ideyaları əsasında tərəqqi yolunda əmin addımlarla irəliləyərək yeni zirvələr fəth edəcək. Heydər Əliyev irsi gələcək nəsillər üçün də zəngin xəzinədir.Azərbaycanın müstəqil dövlət kimi mövcudluğunun qorunub saxlanması, inkişafı, ölkəmizdə sabitlik və həmrəyliyin təmin olunması bilavasitə Ulu Öndər Heydər Əliyevin adı ilə bağlıdır. 1993-cü ilin yayında Azərbaycan olduqca mürəkkəb şəraitdə olduğu zaman xalqın təkidlə Ulu Öndər Heydər Əliyevin hakimiyyətə qayıtmasını tələb etməsi heç də təsadüfi deyildi. Həmin il iyunun 15-də müdrik siyasətçinin, təcrübəli dövlət xadiminin hakimiyyətə tarixi qayıdışı ilə Azərbaycan tarixinin yeni, əzəmətli mərhələsinə qədəm qoydu. Ulu Öndərin Azərbaycanda siyasi hakimiyyətə gəlişinin iqtisadi, siyasi, sosial, mənəvi, psixoloji, ideoloji əhəmiyyəti var idi. Ümummilli Lider Heydər Əliyevin zəngin dövlətçilik təcrübəsi, möhkəm iradəsi, məqsədyönlü və uzaqgörən siyasəti nəticəsində respublikamız hərtərəfli və dinamik inkişaf yoluna qədəm qoydu".

Deputat vurğulayıb ki, bu gün ulu öndər Heydər Əliyev siyasəti Prezident İlham Əliyev tərəfindən uğurla davam etdirilir. Cənab prezident İlham Əliyev ölkə başçısı seçildiyi ilk gündən apardığı uğurlu siyasət və gələcəyə istiqamətlənmiş addımlar nəticəsində Azərbaycan 44 günlük Vətən müharibəsində möhtəşəm qələbəyə imza ataraq, ərazi bütövlüyümüzü bərpa etdi".

Tədbirin sonunda YAP Lənkəran rayon təşkilatının fəal üzvləri Fəxri fərmanla təltif olunub.

Telegramda izləyin