"İran və Ermənistanı bir-birinə bağlayan ortaq cəhət tarix boyu terrorçu qruplar yetişdirməsidir" - DEPUTAT

"Bu gün İran dövləti Ermənistanla birləşib, hər hansı bir təxribata əl atmazdan öncə iki dəfə düşünməlidir".

Bunu Sonxeber.az-a danışan deputat Cəbi Quliyev bildirib.

Deputat qeyd edib ki, tarix boyu ermənilər Azərbaycan xalqına qarşı soyqırımlar və terror aktları həyata keçiriblər:

"Təbii ki, ermənilər bu terror aktlarını təkbaşına həyata keçirmirlər. Ermənilər bu məsələdə havadarlarına güvənirlər. 30 il boyu İran Ermənistana gizlin yardımlar edirdisə, 44 günlük Vətən müharibəsindən sonra dəstəyini açıq-aşkar etməkdədir. İran və Ermənistanı bir-birinə bağlayan ortaq cəhət hər iki ölkənin tarix boyu terrorçu qruplar yetişdirməsidir. Bilirsiniz ki, İranın SEPAH, HİZBULLAH, Ermənistanın isə ASALA, ASOA, AOD və başqa terror təşkilatlatları saysız-hesabsız cinayətləri ilə məşhurdur. Təəssüf ki, biz qonşularımızı seçə bilmirik, bu hər iki terrorçu ölkə ilə eyni bölgədə yerləşirik.

Deputat vurğulayıb ki, Ermənistan mustəqilliyimizin ilk illərində ölkəmizdəki ağır durumdan istifadə edərək torpaqlarımızın 20 faizini işğal etdi:

"Ulu öndər Heydər Əliyev xalqın istəyi ilə yenidən hakimiyyətə qayıtdıqdan sonra ölkəmizdə bütün sahələrdə inkişaf başlanıldı. Əsasən də ordu quruculuğunda. Qanunsuz silahlı silahlı qüvvələr ləğv edilərək, nizami ordunun formalaşdırılması istiqamətində addımlar atılmağa başlanıldı. Qısa bir vaxtda vahid komandanlığa tabe olan ordu formalaşdırıldı və peşəkar kadrlarla təmin olunması, texniki təchizatının yaxşılaşdırılması istiqamətlərində çox mühüm addımlar atıldı. Ulu öndərin başladığı ordu quruculuğu siyasəti bu gün cənab prezident İlham Əliyev tərəfindən uğurla davam etdirilir. Məhz cənab prezidentin rəhbərliyi ilə dövründə yetişən vətənpərvər gənclərimiz 44 günlük Vətən müharibəsində möhtəşəm zəfərə imza ataraq torpaqlarımızı işağaldan azad etdi".

Deputat söyləyib ki, 44 günlük Vətən müharibəsində və ondan sonrakı dövrdə İran hökuməti işğalçını dəstəkləyən açıqlamalar verərək, ölkəmizə qarşı açıq-aşkar təxribatlara əl atmağa başladı:

"Səfirliyimizə edilən hücum da İranın ölkəmizə qarşı növbəti təxribatı idi. Bu xain hücumdan sonra İrandan hər formada xəyanət gözləniləndir. Ona görə də daim ayıq-sayqlığımızı qorumalı və düşmənin hər cür tıxribatına hazırlıqlı olmalıyıq. Ermənistana və onun havadarlarına məsləhətim 44 günlük Vətən müharibəsindəki biabırçı məğlubiyyətlərini unutmasınlar".

Aysel Yusifqızı

Telegramda izləyin