Türkiyənin 10 vilayətində təhsil martın 1-dək dayandırıllıb

Türkiyədə zəlzələnin təsirinə məruz qalan 10 vilayətində məktəblər martın 1-dək fəaliyyət göstərməyəcək.

Bunu Türkiyənin təhsil naziri Mahmut Özer deyib.

Nazirin sözlərinə görə, digər 71 vilayətində isə məktəblər fevralın 20-də açılacaq.

Qeyd edək ki, fevralın 6-da Türkiyənin Kahramanmaraş vilayətinin Pazarcık rayonunda Türkiyə vaxtı ilə saat 04:17-də 7,7, Kahramanmaraşın Elbistan rayonunda saat 13:24-də 7,6 maqnitudalı zəlzələ olub. Bundan başqa eyni gündə 04:26-da, Qaziantepin Nurdağı rayonunda 6,4, saat 04:36-da isə Qaziantepin İslahiye rayonunda 6,5 maqnitudalı zəlzələ baş verib.
Zəlzələ Kahramanmaraş, Hatay, Osmaniyə, Adıyaman, Qaziantep, Şanlıurfa, Diyarbakır, Malatya və Adana başda olmaqla ətraf ərazilərdə dağıntılar törədib, təkanlar paytaxt Ankarada hiss edilib.

Telegramda izləyin