"Yadplanetlilər deyəsən bu dəfə gəlirlər"-ŞƏRH

"ABŞ ötən gecə Jou Biden və Kanada prezidenti Justin Trudeau-nun ortaq razılığı ilə Kanada hava məkanında ABŞ hərbi hava qüvvələrinə məxsus F22 qırıcı təyyarəsi ilə naməlum uçan obeykti vurub. Bu son bir həftədə vurulan 3-cü naməlum obyektdir.Pentagon sözcüsü General Patrick Ryder açıqlamasında bildirib ki, həmin naməlum obyekt cümə axşamından bəri izlənilirdi".

Bu sözləri Sonxeber.az-a texno-bloqer Fərid Pərdəşünas deyib.

O bildirib ki, bu naməlum obyekt Şimali Amerika Hava Müdafiə Qərərgahı tərəfindən aşkar edilib.

"Obyektin izlənilməsi üçün 2 ədəd F22 qaldırılıb. Daha sonra Kanadadan qalxan CF-18 və CP-140 qırıcıları obyekti izləmək üçün havalanıblar. Lakin sonda vurulma əmri gəlib. Naməlum Obyekt hakkında Ağ Evin beynəlxalq təhlükəsizlik müşaviri Jake Sullivan brifinq keçirib.Ehtimallara görə bu obyekt də bir neçə həftə əvvəl Çinin cəsus uçan aparatlarından biri ola bilər. Lakin Çin ilk hadisəni tələbələrin layihəsi olduğunu deyib, qəbul etmişdi. Bu son yaşananlar haqqında isə açıqlama yoxdur. Əksinə Çin tərəfinin də naməlum obyektlər aşkar etməsi ilə bağlı xəbərlər var. Bu günlərdə Cənubi Amerika səmalarında da naməlum obyektlər peyda olub. Bununla bağlı istifadəçilər TikTok-a xeyli video yükləyib. Amerikada sosial media bu xəbərlər demək olar ki, alt-üst olub. İnsanlar dövlət rəsmilərinin müəmmalı açıqlamalarından sonra panikaya düşüblər".
AYSEL QULİYEVA

Telegramda izləyin