"Qızı hər gün Tünzalənin qəbri üstünə gedib, dərslərindən danışır"

"Tünzalə cəmi 2 həftə işləmədi. Səsi batdığı üçün gəlmədi. Üçüncü həftədə isə dünyasını dəyişdi. Birinci həftədə ayaqları tutuldu. Ardıyca ağırlaşdı və ürəyi dözmədi".

Axşam.az xəbər verir ki, bu sözləri Əməkdar artist Dilarə Əliyeva "7 canlı" verilişində deyib. Aktrisa mərhum Əməkdar artist Tünzalə Əliyevadan danışıb.

"Onun səsi batmasaydı, çəkiliş meydançasına gəlsəydi, yaşayardı. İşdən ayrı qala bilmirdi. Bacısına yazmışdı ki, bundan sonra danışa bilməyəcəyəm. Nitq qüsurlu uşaqlar üçün tamaşalar hazırlayacağam. O halda belə iş düşünürdü" deyə, D.Əliyeva söyləyib.

Aktrisa "Toppuş bacı"nın qızı Zəhradan danışıb:

"Hər gün atasıyla qəbirüstünə gedir. Oturub orda Tünzalə ilə danışırdılar. Zəhra dərslərini, uğurlarını anasıyla bölüşür. Çox istedadlı uşaqdır. Onu teatra aparırıq, orada tamaşada oynayacaq".

Telegramda izləyin