İrandan Türkiyədə zəlzələdən zərərçəkənlər üçün 6 ton tibbi yardım göndərilib

İran Türkiyədə zəlzələdən zərər çəkənlər üçün dərman, sağlamlıq avadanlığı və tibbi avadanlıq da daxil olmaqla 6 ton tibbi yardım materialı göndərib.

Sonxeber.az xəbər verir ki, Təbriz Tibb Elmləri Universitetinin hazırladığı tibbi yardımların göndərilməsi üçün keçirilən mərasimdə Türkiyənin Təbrizdəki baş konsulu Çətin Taner, rektor Bəhmən Nekipur, fakültənin professor-müəllim heyəti və bəzi tələbələr iştirak ediblər.

Universitet şəhərciyində toplanan yardım materialları Təbrizdəki Qızıl Aypara Mərkəzində yük maşınına daşınaraq təyyarə ilə Türkiyəyə daşınmaq üçün paytaxt Tehrana göndərilib.

"Təbrizdə yardımları koordinasiya edirik. Zəlzələnin ilk anlarından bölgəmizdəki dost və qardaş İran dövləti və xalqı öz köməyini əsirgəmir",- deyə Türkiyənin Təbrizdəki baş konsulu Çətin Taner bildirib.

Taner Baş Konsulluqda toplanan natura yardımlarının AFAD-a göndərildiyini, hazırda Təbriz Tibb Elmləri Universitetinin bağışladığı tibbi yardım materiallarının təhvil verildiyini bildirib.

Konsul İranın Xoy şəhərində baş verən 5,8 bal gücündə zəlzələnin yaralarının hələ təzə olduğu bir vaxtda Türkiyəyə bu yardımları yüksək qiymətləndirib.

Tehran Tibb Elmləri Universitetinin rektoru Bəhmən Nekipur da Kahramanmaraş mərkəzli zəlzələlərdə həyatını itirənlərə görə türk millətinə başsağlığı verib.

Şəbnəm Lətifi

Telegramda izləyin