"Nikosayağı"nı hansı cəza gözləyir?

Xəbər verdiyimiz kimi, N. Şakirli idarə etdiyi "Porsche" markalı avtomobili ilə TIR-a çırpılıb. Qəza nəticəsində bloger və avtomobildə olan sərnişinlər ağır bədən xəsarətləri alaraq xəstəxanaya aparılıblar. Qəza nəticəsində 1 nəfər ölüb, 1 nəfər ağır xəsarət alıb. Məsələ ilə bağlı hüquqşünas Xəyal Bəşirov BiG.AZ-a açıqlama verib:

"Kimliyindən asılı olmayaraq nəqliyyat vasitəsilə ilə bağlı hadisələr zamanı şəxsin ölümü varsa, cinayət məcəlləsi ilə həmin şəxs barəsində 7 ilə qədər azadlıqdan məhrumetmə cəzası gözlənilir. Təbii ki, bu işin hallarından asılıdır. Əgər hadisə yerindən qaçıbsa yaxud içkili vəziyyətdə hadisəni törədibsə , ağırlaşdırıcı hallar mövcuddursa bu halda daha ağır cəzalar nəzərdə tutulub. Hər bir halda ölüm hadisəsinin olmasına görə, burada azadlıqdan məhrumetmə cəzası nəzərdə tutulur. Azadlıqdan məhrumetmə cəzası 5 ilə qədər olacaqsa bir məsələni də diqqətə gətirmək istəyirik. Nəqliyyat hadisələrinin əksəriyyəti ehtiyatsızlıqdan törədilmiş cinayət hesab olunur. Ehtiyatsızlıqdan törədilmiş cinayət olduğuna görə, əgər 5 ilə qədər azadlıqdan məhrum olacaqsa, o zaman məntəqə tipli cəzaçəkmə müəssisəsində cəzasını çəkməli olacaq. Amma hər bir halda nəqliyyat hadisəsi zamanı, həm digər şəxsin ölümü, həm də özünün xəsarət alması varsa, mütləq şəkildə cinayət işi açılmalıdır. Böyük ehtimalla artıq hadisə ilə bağlı cinayət işi açılıb. Sürət həddini aşması, qəza vəziyyətinin yaranmasının əsasları mövcuddur. Bu halda həmin şəxs barədə cinayət işi açılacaq. Cinayət işinin yekun nəticələri, məhkəməyə göndəriləcək. Onun barəsində məhkəmə araşdırması nəticəsində ehtimal olunur ki, 5 ilə qədər cəza müəyyən olunacaq. Şəxsin özüdə ağır xəsarət alıb. Ona görə də azadlıqdan məhrumetmə cəzası mütləq olmalıdır. Lakin, nə qədər cəza alacağı barədə məhkəmə qərar verəcəkdir".

Telegramda izləyin