Balonlarla qızılları kimə qaldı, zəhərləndiyi sübuta yetirildimi? - İlhamənin MÜƏMMASI

Balonlarla qızılları kimə qaldı, zəhərləndiyi sübuta yetirildimi? - İlhamənin MÜƏMMASIBu gün Azərbaycan incəsənətində özünə xas yeri olan Xalq artisti İlhamə Quliyevanın doğum günüdür. O yəqin ki, ən təzadlı xarakteri olan sənət adamlarındandır. Haqqında səslənən fikirlər birmənalı deyil. Hətta ölümündən sonra belə, İlhamə qalmaqallara səbəb ola, maraq oyandıra bilir.

Özünə "Primadonna" təxəllüsünü seçmişdi. Sənətkarlığına güvənərək Dədə Qorqudun missiyasına sahiblənmiş, sənətini sevdiyi müğənnilərə də müxtəlif təxəllüslər bağışlamışdı. Ümumiyyətlə, 2000-ci illərin əvvəli Azərbaycan estradasında bir ad almaq, özünə təxəllüs seçmək bumu yaşanırdı, hamısı da qəribə səslənirdi.

Kimsə "Qızıl şlyager" olurdu, kimsə "Nömrə bir", kimsə "Qızılsəs", kimsə "MM", Kimsə "F.A", kimsə "Toylar kralı", kimsə "Əjdaha", kimsə "Barbi", kimsə "Şahzadə", kimsə "Faytonçu". Saymaqla bitməz. İlhamə bu dəstənin önündə liderlik etmək üçün "Primadonna" oldu.

Onun yaradıcılığını iki səhifəyə bölmək olar. Doxsanıncı illərə qədər və sonra. 90-cı illərə qədər tanıdığımız İlhamə daha çox gözəlliyi, ana-atasının şöhrəti sayəsində ortada olsa da, Zeynəb Xanlarova, Şövkət Ələkbərova, Rəşid Behbudov və başqa böyük (baxmayaraq ki, fərqli janrlarda idilər və müqayisə edilməzdilər) sənətkarların kölgəsində qalmışdı. Dövr dəyişincə çox daşlar yerindən oynadı. Həmin illərdə İlhamə Quliyeva "Neylərsən?" mahnısı ilə populyarlıq qazanıb zirvəyə qalxdı və bir daha o zirvədən enmədi. Endirmək üçün çalışanlara savaş açdı, qalmaqallar yaşadı.

İlhamə Quliyeva 1943-cü il avqustun 17-də Lənkəranda prokuror Məzahir Quliyev, xanəndə Tükəzban İsmayılovanın ailəsində dünyaya gəlib. Atasının işi ilə əlaqədar olaraq beş yaşına qədər Şəkidə yaşayıblar. Altı yaşı olanda valideynləri ayrılıb. Tükəzban İsmayılova tarzən Həbib Bayramov ilə ailə həyatı qurur. İlhamə Quliyeva Həbib Bayramovu öz doğma atası kimi təqdim edirdi. Söz düşəndə "Quliyeva İlhamə Məzahir qızıyam. Şöhrət ordenini mənə yazanda, vəsiqəmdə atamın adı Həbib yazılıb. Məzahir Quliyev məni yaradıb, Həbib Bayramov tərbiyə verib" deyirdi. Hər iki atadan ona var-dövlət miras qalmışdı. Gəncliyindən bu sayədə hamıdan fərqlənir, liderlik etməyi sevirdi.

O çox şey bilirdi. Bildiyi çox məlumatlardan da gah qarşı tərəfi şantaj edib susudurmaq, gah özünə boyun əydirmək üçün istifadə edirdi. Bu mənada çoxları onu sevirmiş kimi görünür, üzünə gülür, dostları sırasında olmağa çalışır, ya da sadəcə yaltaqlanırdılar. İlhamənin nüfuz dairəsi böyük idi, istədiyi adamı özü demiş qaldırıb-endirə bilirdi.

Çoxları üçün qəddar, eqoist görünən bu qadının bir də hamıdan gizli, tamamilə fərqli bir üzü var idi. İçi özünü yandırırdı, çölü özgələrini.
Çox gözəl qadın idi. Amma qadın kimi səadəti yox idi. Nə ömürlük yoldaşı var idi, nə doğma övladı. Deyilənə görə, gözəl qadınları möhkəm qısqanırmış, bu xasiyyətindən özünün də zəhləsi gedirmiş. Xalq artisti Nazpəri Dostəliyeva ilə də bu səbəblə yola gedə bilmirdi. Nazpəri xanıma da "Nazlı Pəri" təxəllüsünü taxsa da, o qəbul etməmiş, hətta efirdə, canlı yayımda aralarında çox sərt mübahisə olmuşdu. İlhamə xanım, "Mən söz yemirəm, yedizdiririəm" deməklə özünə qarşı çox sərt reaksiyalar toplamışdı. İş o həddə çatmışdı ki, ölkənin qaziləri yığışıb ona qarşı bəyanat vermişdilər.

"Qarabağ Qaziləri" İctimai Birliyi Mədəniyyət və Turizm Nazirliyinə, Milli Teleradio Şurasına, telekanalların rəhbərlərinə, KİV-lərə və rəsmi dövlət qurumlarına İlhamə Quliyeva haqqında şikayət vermişdi.

Haqqında çox şayiələr gəzirdi. Buna çox zaman özü səbəb olur, amma keçib gedərkən arxasında yaratdığı fırtınalara, toz buluduna yuxarıdan aşağı bir baxış atıb acı-acı gülümsəyirdi.

Gənclikdən onunla dostluq etmiş müğənni Firuzə İbadovanın dediyinə görə, İlhamə göründüyü qədər sərt deyilmiş, qalxanını əlinə yalnız özünü müdafiə etmək lazım olanda götürürmüş. Ömrünün son 30 ilində İlhamənin qalxanı əlindən heç düşmədi.

İlhamə vətəndaş nikahında yaşadığı, adı hamıya naməlum olan bir kişidən hamilə qalsa da, övladını dünyaya gətirmədən itirir. Əslində sonralar bir şayiə də çıxdı ortaya, Flora adlı bir xanım İlhamənin doğma qızı olduğunu desə də, məlumat təsdiq olunmadı. İlhamə rəfiqəsi Firuzə İbadovanın ailə problemləri üzündən uşağını abort etdirmək istədiyini biləndə xəstəxanaya gəlib, onu bu işdən yayındırıb. Doğulandan sonra uzun müddət Firuzə xanımın qızı Hülyanın yeməyini o alıb verib. Üzdə deməyi sevməsə də, uşaq evlərinə, qocalar evlərinə ərzaq alıb göndərir, qazan-qazan isti yeməklər aparırmış. Münsif kimi qatıldığı musiqi müsabiqəsində cavanlara pul verirmiş ki, efirə abırlı geyimdə çıxsınlar.

Bir oğulluğu var. Orxan adında. Ölümündən sonra mirasını ona bağışlamadı. Onunla da problem yaşayırdı. Uzun illər köməkçisi işləmiş prodüserinin onu zəhərləyərək asta-asta öldürdüyünü də deyirdi. Sağlığında balonlar dolusu qızıllarım, brilliantlarım var deyib öyünürdü. Ölümündən öncə dostlarına deyirmiş ki, mən öləndə bacımın uşaqlarını içəriyə buraxmayın. Ölümündən sonra üzə çıxan qohum-əqrəbalar bu miras üzündən qalmaqal yaratdılar. Hərçənd kim nə pay qopardı hələ də bəlli deyil.

Ona sağlığında "musiqi mafiyasının babası" da deyirdilər. Ölümündən sonra çoxları onun yerinə göz diksə də, heç kim İlhamə ola bilmədi. Sağlığında İlhamənin onları əzməsindən gileylənənlər ölümündən sonra azad olduqları zəncirlər üçün darıxdılar, İlhamənin yeri görünür dedilər. Sultan Süleymana qalmayan dünya İlhaməyə də qalmadı. Ondan qalan yalnız dillər əzbəri olan deyimləri, söhbətləri və bir də qalmaqallarının, çətin xarakterinin belə kölgə sala bilmədiyi mahnıları oldu.//lent.az


Sonxeber.az Telegramda izləyin instagramda izləyin
Şou-biznes   Baxılıb: 3512   Tarix: 18 avqust 2023  

Şikayətiniz varsa Whatsapp: 051 7028255

Facebookda Paylaş


Tezbazar.az elanlar sayti

Oxşar xəbərlər

.

Vasif Məhərrəmli plastik əməliyyatdan sonra

Əməkdar artist Vasif Məhərrəmli plastik əməliyyatdan sonra verilişə qonaq olub. Müğənni "Elgizlə izlə" verilişinə gəlib. V.Məhərrəmli aparıcı Elgiz Əkbərin "Üzünüz çox mübarək. Yaraşıqlı görünürsünüz. Özünüz etiraf etdiniz ki, üzünüzə əl gəzdirmisiniz, ona görə deyirəm. Müğənniyə lazımdır"

16 may
.

"Başqalarının xoşbəxt olması üçün özümü unutdum"

"Həyat yolunun tən ortasına gəlib çatdım. Hər zaman başqalarının xoşbəxt olması üçün düşünə-düşünə özümü unutdum". Axşam.az xəbər verir ki, bu sözləri Xalq artisti Naibə Allahverdiyeva sosial şəbəkə hesabında yazıb. "Xoşbəxtlik mənə əl edib, yanımdan keçib getdi. Olsun. Təki mərhəməti

12 may
.

Natavan oğluna ad günü etdi - Video

Müğənni Natavan Həbibi və reper Dado Əliyev oğlu Zeyd Əliyə ad günü edib. Axşam.az xəbər verir ki, evində məclis edən sənətçi görüntüləri sosial şəbəkə hesabında paylaşıb. O, oğlunun 5 yaşı olduğunu bildirib. Qeyd edək ki, Natavanla Dado 2017-ci ildə ailə qurub və bir neçə ay sonra ayrılıblar

10 may
.

Günay Baxşəliyeva: "Daha gözəl qızlar vardı, amma mən seçildim" - FOTO

Azərbaycanın məşhur aparıcılarından olan Günay Baxşəliyeva televiziyaya ilk gəlişindən bəhs edib. -a istinadən xəbər verir ki, aparıcı 300-dən çox insan arasından seçilməyinin əsas səbəbini açıqlayıb. "Mənim televiziyaya gəlişimin, seçilməyimin səbəbi Azərbaycan dilini və ədəbiyyatı, qrammatikan

12 may
.

Aygün Kazımova Şuşada "Turan marşı" oxudu - FOTO/VİDEO

Heydər Əliyev Fondu və Mədəniyyət Nazirliyinin təşkilatçılığı ilə keçirilən "Xarıbülbül" VII Beynəlxalq Musiqi Festivalına mayın 13-də Laçın şəhərində yekun vurulub. xəbər verir ki, bağlanış mərasimində Xalq artisti Aygün Kazımova da səhnəyə çıxıb. Ölkənin əsas ulduzu festival üçün xüsusi olara

14 may
.

Xalq artistindən Şuşada canlı ifa - VİDEO

Xalq artisti Tünzalə Ağayeva "Xarı bülbül" festivalında iştirak edir. xəbər verir ki, pop ulduz Şuşanın gəzməli-görməli guşələrindən video paylaşıb. Ağayeva görüntülərdə Xalq şairi Səməd Vurğunun "Şuşa haqqında ballada" və şair Rəsul Rzanın "Şuşam mənim" şeirini sintez edərə

13 may
.

"Avroviziya"nın finalına start verildi - CANLI

İsveçin Malmö şəhərində "Avroviziya-2024" beynəlxalq mahnı müsabiqəsinin finalı başlayıb. -ın məlumatına görə, finalda 26 ölkə mübarizə aparacaq. Qalib televiziya tamaşaçıları və peşəkar münsiflər heyətinin birgə səsverməsi nəticəsində müəyyən ediləcək. Qeyd edək ki, səsvermənin nəticələrin

11 may
.

Xəstəxanaya yerləşdirilən Elcan Rəsulovun son vəziyyəti: "Daha heç vaxt..." - VİDEO

İki gün əvvəl xəstəxanaya yerləşdirilən aparıcı-aktyor Elcan Rəsulovdan xəbər var. xəbər verir ki, o sosial şəbəkə hesabında xəstəxanada video yayılmayıb. Elcan bildirib ki, həkim ona siqaret çəkməyi qadağan edib. "Həkim dedi daha heç vaxt siqaret çəkmək olmaz!" -deyə, Elcan qeyd edib. Xatırlada

15 may
.

Əməkdar artist: "Ata-anam lal-kar olduğuna görə məni almadılar" (VİDEO)

Əməkdar artist Mehriban Xanlarova Real TV-yə müsahibə verib. O, müsahibəsində sənətilə ilə yanaşı, indiyədək yaşadığı çətin həyat şəraitindən də söz açıb. Valideynlərinin lal-kar olduğunu bildirən Əməkdar artistin 8 nəfərlik ailə üzvü ilə birlikdə 24 kv.m-lik evdə yaşadığı məlum olub. Ətraflı videomüsahibədə

15 may