Qandonduran olay! - Tibb bacısı 7 körpəni öldürdü, evindən tapılan qeydlər isə... - FOTOlar

İngiltərədə qandonduran hadisə baş verib.

BAKU.WS xarici mətbuata istinadən xəbər verir ki, Çester şəhərindəki "Countess Of Chester" xəstəxanasında çalışan 33 yaşlı tibb bacısı Lüsi Letbinin 2015 və 2016-cı illərdə yeni doğulan bölməsində körpələri öldürdüyü məlum olub.

Belə ki, cinayətkar tibb bacısı körpələrə hava vuraraq, süd və insulin verərək öldürüb.

Mançester Kral Məhkəməsində hakim qarşısına çıxan Letbi işlədiyi xəstəxanada 7 körpəni öldürməkdə və 6 körpəni öldürməyə cəhddə günahkar bilinib.

Letbinin öldürdüyü körpələrdən bəzilərinin əkiz olduğu, ölən körpələrdən birinin isə 1 günlük olduğu üzə çıxıb.

Letbinin saxlanmasından sonra polis tibb bacısının evində axtarış aparıb və şok qeydlər tapıb. Şokedici qeydlərdə aşağıdakı ifadələr yer alırdı:

"Onları öldürdüm, çünki onlara yaxşı baxa bilməmişdim. Mən çox pis adamam. Bunu edən iblisəm".

Hazırda polis Letbinin işlədiyi xəstəxanalarda digər körpələri də öldürüb-öldürmədiyini müəyyən etmək üçün araşdırmalarını davam etdirir.

Telegramda izləyin