"Payız aylarında havanın tez qaralması meteohəssas insanlarda depressiyaya düşmə ehtimalını artırır"-Psixoloq

Yay fəslinin sonuna doğru yaxınlaşırıq. Payız mövsümünün gəlməsi havanın soyuması, bir çox insanların depressiyaya düşməsinə səbəb olur.

Mövzu ilə bağlı Sonxeber.az-a danışan psixoloq Elnur Rüstəmov bildirib ki, payız aylarında havanın tez qaralması, gün işığının az olmasi meteohəssas insanlarda depressiyaya düşmə ehtimalını artırır. Onlar daha çox işıq olan yerdə zaman keçirməlidirlər.Bu, ev, iş yeri ola bilər:

"Əslində payız birdən-birə daxil olmur. O, zaman-zaman baş verir. Mövsümün dəyişməsi ilə insanın əhvali-ruhiyyəsi də dəyişir. Kimi özünü yaxşı hiss edir, kimi pis hiss edir.Düzdür, elmi ədəbiyyatda bu, xüsusi verilmir, ancaq bizdə mövsümi depressiya deyirlər. Payız aylarında, xüsusilə həssas insanların əziyyət çəkdiyinin şahidi oluruq. Bunun da səbəbi budur ki, yayda gün uzanmağı insanların əhvalına yaxşı təsir göstərir. Ekvatora yaxın ərazilərdə yaşayanlarda depressiya az olur. Ancaq şimal və ya cənuba getdikcə hava tez qaralır deyə insanların psixoloji durumunda problem olur, xüsusilə depressiyaya düşmə ehtimalı çox olur. Təsadüfi deyil ki, intihar daha çox Şimali Avropa ölkələrində və Kanada, Rusiyanın şimalında gün işığı az olur. İnsanların əhvali- ruhiyyəsində tez-tez dəyişikliklər baş verir. Bizdə də payız aylarında havanın tez qaralması, gün işığının az olmasi meteohəssas insanlarda depressiyaya düşmə ehtimalını artırır. Onlar daha çox işıq olan yerdə zaman keçirməlidirlər.Bu, ev, iş yeri ola bilər. Müasir iş yerlərində işıqlanmaya daha çox üstünlük verirlər. Çünki nə qədər işıqlı olsa, bir o qədər insanların əhvali- ruhiyyəsi yaxşı olacaq".

Şəbnəm Lətifi

Telegramda izləyin