"Yalanları ilə cəmiyyətimizi zəhərlənməyə çalışan "no war"çılarla mübarizədə hər birimiz aktiv olmalıyıq".

"Mən təəssüf edirəm ki, bir qism gənc xarici qüvvələrin himayəsinə sığınaraq, guya müharibə istəmirlər. Hətta bu daha kəskin 44 günlük müharibə zamanı özünü göstərdi".

Bunu Sonxeber.az xəbər verir ki, deputat Müşfiq Cəfərov bildirib.

Deputat qeyd edib ki, həmin kiçik qrup şəxs cəmiyyətimiz tərəfindən aqressiya ilə qarşılanır:

"Onların bu yoldakı fəaliyyəti tarix boyu təcavüzə və işğala məruz qalmış öz doğma bacı-qardaşların xəyanətidir. Təbii ki, Azərbaycan xalqı da müharibə istəməzdi. Məhz buna görə tam 30 ilə yaxın bir müddət nəticəsiz qalmış danışıqlar yolunu tutduq. Bu gün müharibə bitib, dövlətimiz sülh yolunda uğurla addımlayır. Lakin Ermənistan rəhbərliyi vəziyyyəti daima gərgin saxlamağa meyillidir. Niyəsə məhz özünün sülhsevər kimi qələmə verənlər Ermənistanın bu mövqeyindən xəbərsiz kimi davranır. Eyniylə anti-Azərbaycan siyasəti yürüdən xarici qüvvələr kimi. Çox güman ki ölkə daxilindəki bu kiçik qrup da məhz xaricdən maliyyələşdirilən şəxslərdən ibarətdir. Azərbaycan xalqını cinayətkar adlandıranlar bizim kim olduğumuzu bilmirlər. Azərbaycan xalqı dedikdə öz doğmalarını da nəzərdə tutduğunun fərqində olmayanlar bilməlidir ki, biz cəsur, qorxmaz və bir o qədər də humanist xalqıq. Hər birimiz yalanları ilə cəmiyyətimizi zəhərlənməyə çalışan "no war"çılarla mübarizədə hər birimiz aktiv olmalıyıq".

Telegramda izləyin