""No war"çılar dövlətinə və xalqına qarşı xəyanət yolunu tutmuş, milli hissləri olmayan ünsürlərdir" - DEPUTAT

"Son zamanlar anti-Azərbaycan qüvvələrin aktivləşməsi müşahidə olunur".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, 44 günlük Vətən müharibəsindəki möhtəşəm zəfərimiz tək düşməni və onun havadarlarını məyus etməyib. 30 illik işğala 44 gündə son qoymağımız bəzi sapı özümüzdən olan baltaları da narahat etməkdədir:

"Yenidən fəallaşmağa başlayan "no war"çılar xarici anti-Azərbaycan dairələrin təsiri altında olan, öz dövlətinə və xalqına qarşı xəyanət yolunu tutmuş, milli hissləri olmayan ünsürlərdir.Bu şəxslər üçün vətən və xalq anlayışı yoxdur. Onlar yalnız öz xeyirlərinə güdən ünsürlərdir. Azərbaycanın "işğalçı dövlət", "aqrerssor", Azərbaycan xalqının isə "işğalçı rejimi dəstəkləyən kütlə" adlandırmaqları, şəhid və qazı ailələrini təhqir etməkləri bu insanların cəmiyyətimiz üçün təhlükə olduğunu göstərir. Bu cür şəxslərə qarşı cəmiyyətimiz sərt təpki göstərməlidir".

Deputat qeyd edib ki, təcrübə göstərir ki, "müharibəyə müqavimət" ideyası hər zaman "Açıq Cəmiyyət İnstitutu", "Soros Fondu" kimi qlobal təşkilatlar tərəfindən ayrı-ayrı ölkələrdə manipulyasiya aləti kimi istifadə edilib:

"Bu gün də cəmiyyətdə daxili qarşıdurmalar yaradıb siyasi hakimiyyətə təsir etmək, müharibə olmayan yerlərdə belə "müharibəyə müqavimət göstərmək" cəhdləri aktualdır:

Xarici qüvvələrin erməni lobbisinin bir ovuc azərbaycanlı "no war"çının əli ilə ölkədə qeyri-sabitlik yaratmaq cəhdləri hələ 2016-cı ilin aprel döyüşləri zamanı açıq şəkildə hiss edildi. O zaman bu "sülh göyərçinləri" Ermənistanın təxribatına cavab verən, anti-terror əməliyyatı keçirən ordumuzu "terrorçu", Azərbaycan dövlətini isə "işğalçı" dövlət adlandırırdılar.
Azərbaycandakı bir ovuc saxta leberalın milli və dövlət maraqlarına açıq aşkar düşmən münasibəti ölkə xaricində də ikrahla qarşılanır".

Deputat vurğulayıb ki, 3 ildir ki, öz gücümüzə ərazi bütövlüyümüzü bərpa etmişik:

"Ermənistan belə müharibənin nəticələrlə barışıb və Azərbaycanın ərazi bütövlüyünü tanıyıb. Bütün bunlara baxmayaraq, yerli "no war"çılar hələ də Azərbaycanı aqressiv ritorikada günahlandırır, Qərbi Azərbaycan İcmasının tarixi torpağına geri qayıtmaq istəyini rədd edir, faktiki olaraq cəmiyyətdə çaşqınlıq yaratmağa cəhd göstərirlər.
Bu kimi çağırışlarla "no war"çılar Ermənistan və Azərbaycan arasında sülh prosesinə də zərbə vururlar. Azərbaycandakı "no war"çılar sülhə, sabitliyə yox, erməni lobbisinə, Corc Sorosun "xaos yaratmaqla təsir etrmək" ideyasına xidmət edirlər. Bu işdə isə beyni yuyulmuş, liberal dəyərləri yanlış qavramış, qərb yaşam tərzinə düşkün bir ovuc azərbaycanlıdan aktiv şəkildə istifadə edilir. Uydurduqları yalanları ilə cəmiyyətimizi zəhərlənməyə çalışan "no war"çılarla mübarizədə ziyalılarımız, ictimai fəallar, müharibə iştirakçıları, şəhid ailələri aktiv olmalı və milli mənəviyyatımızı, dəyərlərimizi, mənliyimizi ayaq altına atan belə ünsürlərə qarşı sərt mövqe sərgiləməlidir".

Telegramda izləyin