Şimali Koreya haqqında bilinməyən və maraqlı faktlar - FOTO

Rəsmi adı Koreya Xalq Demokratik Respublikası (KXDR) olan Şimali Koreya bir çox insanı maraqlandıran ölkədir. Şimali Koreya haqqında məlumatlar kifayət qədər məhduddur.

BAKU.WS xarici mətbuata istinadən sözügedən ölkə haqqında qorxulu və maraqlı faktları təqdim edir:

Şimali Koreya Yaponiyanın uzunmüddətli işğalından sonra 9 sentyabr 1948-ci ildə Sovet İttifaqının köməyi ilə Koreyanın şimal yarısında yaradılıb.

Koreyanın Yaponiya tərəfindən işğalından sonra, İkinci Dünya Müharibəsinin başa çatması ilə həm Sovet Rusiyasının, həm də ABŞ-ın gələcəyi ilə bağlı planlar quruldu. ABŞ-a rəhbərlik edən qüvvələr Koreyanın cənubunu, Sovet rəhbərliyindəki qüvvələr isə şimalını işğal edib. Cənubda ABŞ-ın nəzarətində olan qərbyönlü hökumət, şimalda isə Sovetlər tərəfindən dəstəklənən kommunist hökuməti quruldu.
Hər iki tərəf Koreyanı birləşdirməyi hədəfləsə də, cənub və şimal arasında yeni Koreyanın necə olması barədə çox fərqli fikir ayrılıqları var idi.

Ümumi dil tapmaq cəhdləri dəfələrlə uğursuzluğa düçar olduqdan sonra 1950-ci ildə müharibə başladı.

Lakin, Şimali Koreya xalqının fikrincə, heç bir parçalanma yoxdur. Yəni onlar Şimali Koreyalı deyil, Koreyalıdırlar. Şimali Koreyaya görə Cənubi Koreyada da insanlar koreyalıdır.

Şimali Koreyanın ilk lideri Kim II Senq olub.

Şimali Koreyanın "1 May" stadionu 1989-cu ildə tikilməsinə baxmayaraq, 150.000 tamaşaçı tutumu ilə dünyanın ən böyük stadionudur.

Şimali Koreya ilə bağlı ümumi yanlış fikir onun hələ də kommunist ölkə hesab olunmasıdır. Kim II Sung sosializmə və kommunizmə inandığı halda, qurduğu ölkə illər keçdikcə kommunizmini sürətlə itirməyə başladı.
Şimali Koreyanın elitası istisna olmaqla, ictimaiyyətin internetə çıxışı yoxdur.

Əgər siz dövlət tərəfindən təsdiqlənmiş bir şəxssinizsə, yalnız hökumət tərəfindən təsdiqlənmiş vebsaytlara və sadə e-poçt provayder sistemlərinə daxil ola bilərsiniz.

Dövlətin bütün vətəndaşları pulsuz təhsil alırlar. Təhsili yüksək qiymətləndirən Şimali Koreyada savadlılıq səviyyəsi kifayət qədər uğurludur.
Yalnız iki ölkə vətəndaşları Şimali Koreyaya vizasız gedə bilir. Malayziya və ya Sinqapur pasportunuz yoxdursa, Şimali Koreyaya səfər etmək üçün viza üçün müraciət etməlisiniz.

Şimali Koreya təqribən 1,21 milyon əsgəri və ya ölkə əhalisinin 4,7 faizini təşkil etməklə dünyada dördüncü ən böyük fəal orduya malikdir. Şimali Koreyada hərbi xidmət kişilər üçün ən azı 10 il davam edir və 17 yaşından başlayır. Qadınlar isə 23 yaşa qədər məcburi hərbi xidmət keçməlidir.
Əgər siz Kiyev, Tbilisi və ya Moskvada metro sistemlərini ziyarət etmisinizsə, Şimali Koreyadakı Pxenyan metrosu sizə tanış gələcək. Pxenyan metro sistemi yerin dərinliyindədir və sərnişinlər 316 futdan (96 m) çox hündürlükdə bəzədilmiş platformalara gedirlər.

Metronun bu qədər dərin olmasının səbəbi odur ki, hər bir stansiya sovet dövrünün digər sistemləri kimi nüvə bunkeri funksiyasını yerinə yetirir.

Telegramda izləyin