'Guvenkredittaz" müştəriləri aldadaraq kartlarından pul çəkir

İnstagramda onlayn fəaliyyət göstərən guvenkredittaz səhifəsi müştəriləri aldadaraq onların kart balansında olan bütün pulları çəkir.

Bu barədə müştəri Gülər Qasımova Ramazan qızı Sonxeber.az-a məlumat verib.

O bildirib ki, 1000 manat kredit üçün müraciət etdiyi guvenkredittaz onun hesabından 530 manat çıxıb və nömrəsini bloklayıb:

"İnstagram sosial şəbəkəsində "guvenkredittaz" səhifəsinə 1000 manat kredit üçün müraciət etdim. Özünü kredit mütəxəssisi kimi təqdim edən Kamal bəy dərhal Vatsapa keçməyimi xahiş etdi. Vatsapda şəxsiyyət vəsiqəsinin fin kodunu, seriya nömrəsini istədi, göndərdim. Telefona m10 proqramını yükləməyimi və ora 145 manat depozit yatırmağımı xahiş etdi. m10 proqramını yükədim,145 manat depozit yatırdım. Sonra kodları göndərdim. Kapital bank hesabımın kodunu istədi , göndərdim . Kartımın balansında olan 530 manat çıxdı.Birbank tətbiqindən balansımda olan bütün pulların çıxılması ilə bağlı bildiriş gəldi. Mən artıq aldandığımı başa düşdüm. Mən ona balansımın sıfır olduğunu yazdım.İki saat sonra məbləğin kartıma 1000 manatla bərabər qayıdacağını dedi. Sonra nömrəmi blokladı. Dərhal 102 xidmətinə zəng etdim. Bununla bağlı Sabunçu rayonu Zabrat qəsəbəsi 15 saylı polis bölməsindən zəng gəldi. Mən bölməyə yaxınlaşdım və mənə yüzlərlə insanın aldandığını bildirdilər".
Mövzu ilə bağlı Daxili İşlər Nazirliyi ilə əlaqə saxladıq. Bildirildi ki, bu məsələ araşdırılacaq.

Şəbnəm Lətifi

Telegramda izləyin