Qəzaya düşən maşının ehtiyyat hissələri oğurlanıb? - İddia - DİN-dən açıqlama - FOTO

Ötən il qəza zamanı avtomobili yararsız hala düşən şəxsin başına iş gəlib.

Bu barədə məlumat BAKU.WS-in "qaynar xətti"nə daxil olub.

Bildirilib ki, qəza zamanı yararsız hala düşən maşının ehtiyyat hissələri təmir üçün aparılan avtoservis tərəfindən oğurlanıb:

"Mən bir neçə ay öncə - 9 dekabr 2022-ci ildə yol nəqliyyat hadisəsi keçirmişəm və avtomabilimi Xırdalan şəhərində avtoservisə yerləşdirmişəm. Sığorta ödənişim gecikdiyi üçün maşınım 7-8 ay orada qaldı. Bu müddət ərzində mənim maşınımı (ehtiyyat hissələrini) kütləvi şəkildə taladırlar".

Hazırda iddiaçı əməli törədənlərin aşkarlanmasını istəyir.

Məsələ ilə bağlı Daxili İşlər Nazirliyi (DİN) ilə əlaqə saxladıq.

DİN-in Mətbuat Xidmətinin əməkdaşı, polis mayoru Anar Qafarov BAKU.WS-in sorğusuna cavab olaraq bildirildi ki, vətəndaşın şikayəti əsasında Abşeron Rayon Polis İdarəsində təhqiqat araşdırmaları aparılıb:

"Araşdırmalar zamanı Əlili Ülfan Taleh oğlunun şikayətinin mülki məsələ olduğu müəyyən olubduğundan ona mülkü qaydada məhkəməyə müraciət etmək tövsiyyə edilib. Bu barədə vətəndaşa rəsmi cavab verilib".

Telegramda izləyin