Nigeriyada polis məntəqəsinə hücum nəticəsində 3 polis həlak olub

Nigeriyanın cənub-şərqindəki Ebonyi əyalətində polis məntəqəsinə hücum nəticəsində 3 polis həlak olub.

Sonxeber.az xəbər verir ki, Ebonyi vilayətinin polis sözçüsü Onome Onovwakpoyeya verdiyi açıqlamada silahlı şəxslərin vilayətin Oşiri rayon polis idarəsinə hücum etdiyini bildirib.

"Təəssüf ki, hücumda 3 polis əməkdaşı həyatını itirib. Biri yaralanıb və hazırda xəstəxanada müalicə olunur", - deyə Onovwakpoyeya bildirib.

Hücumdan sonra bölgəyə əlavə təhlükəsizlik qüvvələrinin göndərildiyini qeyd edən Onovwakpoyeya, təhlükəsizlik qüvvələrinin təşkil etdiyi əməliyyatda 2 hücumçunun öldürüldüyünü, çox sayda hücumçunun isə yaralı olaraq xilas olduğunu qeyd edib.

Hücumun məsuliyyətini hələlik heç kim üzərinə götürməsə də, Nigeriyanın cənubunda Biafra Yerli Xalqları (IPOB) terror təşkilatı tərəfindən zaman-zaman belə hücumlar həyata keçirilir.

1967-ci ildə Biafra əhalisi Nigeriyanın cənubunda müstəqil Biafra dövlətinin yaradılması tələbi ilə ayağa qalxdıqda başlayan vətəndaş müharibəsində milyonlarla insan həlak oldu. 1967-ci ildə ölkənin cənub-şərqində qurulan Biafra Respublikası vətəndaş müharibəsinin sonunda yenidən Nigeriyanın suverenliyinə keçib.

Telegramda izləyin