Rusiyanın bu ölkələrdə saxladığı pullar müsadirə edilir: görün, nəyə xərclənəcək

Avropa Komissiyasının sədr müavini Valdis Dombrovskis departamentin Rusiya aktivlərindən əldə edilən gəlirlərin Kiyevin xeyrinə istifadə edilməsi təkliflərini təsdiqlədiyini açıqlayıb.

Publika.az xəbər verir ki, bu barədə jurnalistlərə Avropa Komissiyasının rəhbərinin müavini Valdis Dombrovskis məlumat verib. Onun sözlərinə görə, bu yolla Rusiya Ukraynadakı münaqişəyə görə cavabdeh olacaq:

"Bizim təklifimiz Rusiyanın dondurulmuş dövlət aktivlərindən Ukrayna və onun xalqının xeyrinə ildə 3 milyard avroya qədər əhəmiyyətli gəlirləri yönləndirəcək".

Rusiya aktivlərindən əldə olunan gəlirin Ukraynanın xeyrinə istifadə edilməsi təklifi Aİ diplomatiyasının rəhbəri Cosef Borreldən gəlib. Onun planı gəlirin 90%-ni Ukrayna Silahlı Qüvvələri üçün döyüş sursatlarının alınmasına, qalan 10%-ni isə Ukraynanın müdafiə sənayesini dəstəkləməyə yönəltməkdir.

Rusiya prezidentinin mətbuat katibi Dmitri Peskov bildirib ki, Rusiya Federasiyasının əmlakına qəsd bu qanun pozuntusuna görə məsuliyyət daşıyan məmurların uzun illər təqib olunması ilə bağlıdır. Bundan əlavə, Kreml nümayəndəsinin fikrincə, bu cür hərəkətlər Brüssel üçün böyük maliyyə və reputasiya ziyanı ilə nəticələnəcək.

"Avropalılar bu cür qərarların həm iqtisadiyyatlarına, həm də imicinə, mülkiyyət toxunulmazlığının etibarlı təminatçısı kimi nüfuzuna vura biləcəyi zərəri yaxşı bilirlər. Zərər qaçılmaz olacaq. Belə qərarların qəbulunda iştirak edəcək şəxslər və dövlətlər təbii ki, uzun onilliklər ərzində təqib obyektinə çevriləcəklər", - Peskov bildirib.

AK-nin məlumatına görə, Avropa İttifaqının təxminən 208 milyard avroluq dondurulmuş Rusiyanın suveren ehtiyatları var. Avropa komissarı Didier Reyndersin hesablamalarına görə, Brüssel 2027-ci ilə qədər onlardan təxminən 15 milyard avro qazana bilər.

Gözlənildiyi kimi, martın 21-22-də keçiriləcək Aİ sammitində Borrelin təklifləri təsdiqləndiyi halda Rusiya aktivlərindən gələn gəlir ildə iki dəfə Ukraynaya ayrılacaq. Kiyev ilk tranşı bu ilin iyulunda ala bilər.

Rusiya aktivləri dedikdə, Aİ-nin 27 ölkəsində müxtəlif valyutalarda saxlanılan Rusiya Mərkəzi Bankının pulları nəzərdə tutulur.

Eyni zamanda, Zelenski rejimi bütün Rusiya kapitalının müsadirə edilməsində israrlıdır. Kiyev Qərbdən Rusiya Federasiyasının əmlakının müsadirə edilməsi üçün tədbirlər gözləyir.

Telegramda izləyin