Sürücülər illər əvvəl pozduğu qaydaya görə indi cərimələnə bilərmi? - AÇIQLAMA

Qayda pozan sürücünün videosu sosial şəbəkələrdə yayılır. Sürücü polis bölməsinə dəvət edilir. Avtomobili duracağa yerləşdirilir və cərimə tətbiq edilir. Amma məlum olur ki, yayılan görüntülər əslində illər öncə çəkilib. Oxşar hadisə Şəkidə yaşanıb. Qayda pozuntusu edən sürücü 3 il sonra polis bölməsinə dəvət olunub.

Sonxeber.az xəbər verir ki, "ARB Xəbər"in əməkdaşları paytaxtda sürücülərin fikirlərini öyrənməyə çalışıb. Onlar sözlərinə görə, qanun vaxtında icra olunsa daha yaxşı olar. Əks halda bu məsələ maddi vəziyyətdən daha çox, psixoloji vəziyyətə gətirib çıxarır.

Burada söhbət sürücülərin bir neçə il öncə törətdiyi qayda pozuntularından və həmin pozuntulara qarşı görülən gecikmiş tədbirlərdən gedir. Bəs illər əvvəl törədilən qayda pozuntusuna görə sürücüyə cərimə yazıla bilər?

"İnzibati Xətalar Məcəlləsinin 38-ci maddəsinə əsasən, inzibati xəta törətdiyi vaxtdan 4 ay keçdikdən sonra inzibati məsuliyyətə cəlb oluna bilməz. Məcəllənin prinsiplərindən biri də qanunçuluqdur. Bu prinsiplə şəxs inzibati orqanın hərəkət ilə bağlı yuxarı orqana və məhkəməyə, o cümlədən prokurorluğa şikayət verə bilər".

Avtoxuliqanlığa görə məsuliyyətə cəlb etmənin müddəti 4 ay olsa da, digər yol hərəkət qaydalarının pozulmasına dair müddət 1 ilə qədərdir. Bu vaxt ərzində qayda pozuntusu aşkarlanmasa sonrakı dövrdə sürücü həmin əmələ görə məsuliyyətə cəlb edilə bilməz.

Ətraflı "ARB Xəbər"in süjetində:

Telegramda izləyin