Asiyanın ən zənginləri bu şəhərdə yaşayır: Milyarderlərin yeni paytaxtı

Hindistanın Mumbai şəhəri 92 milyarderlə Asiyanın yeni "varlılarının paytaxtı" olub.

Lent.az xarici KİV-ə istinadla bildirir ki, qərargahı Şanxayda yerləşən Hurun Araşdırma İnstitutuna əsaslanan Nikkei Asia mətbuat təşkilatının hesabatına görə, Mumbai 92 milyarderlə Pekini geridə qoyub və Asiya qitəsinin ən çox milyarderinin yaşadığı şəhər olub.

İnstitutun hesabatına görə, Nyu-Yorkda 119 milyarder, Londonda isə 97 milyarder olduğu halda, Mumbai 92 milyarderlə dünya üzrə üçüncü yerdədir.

Hindistanda cəmi 271 milyarder var, Mumbai iqtisadiyyatı 2023-cü ildə 7,5 faiz artıb.

Ölkə bazlı qiymətləndirmələrdə Çin 814 milyarderlə siyahının başında olarkən bu rəqəmin 2022-ci ilə nisbətən 155 nəfər azaldığı müşahidə edilib.

ABŞ 800 milyarderlə ölkənin milyarderlər siyahısında ikinci yerdədir.

ABŞ iqtisadiyyatında süni intellekt və informatika sektorları aparıcı yer tutur.

ABŞ çip istehsalçısı "Nvidia"nın baş icraçı direktoru (CEO) Jensen Huang 48 milyard dollarla siyahıda ilk 30-luğa daxil olarkən, "Google", "Meta" və "Microsoft" sahiblərinin sərvətində də "ciddi artım" müşahidə edilib.

Texnologiya sektorunda sərvət artımı ilə yanaşı, ABŞ müğənnisi Taylor Sviftin də sərvətinin 1,2 milyard dollara yüksəlməsi diqqət çəkib.

Telegramda izləyin