Türkiyədə bələdiyyə seçkilərində uğur qazanan MƏŞHURLAR

Dünən Türkiyədə keçirilən bələdiyyə seçkilərində xeyli tanınmış şəxs qaliblər siyahısına düşüb.

Lent.az Türkiyə mediasına istinadən həmin məşhurları təqdim edir.

Erdal Beşikçioğlu, Lal Dənizli, Mesut Yar, Nasuh Mahruki, İrfan Değirmenci, Gökhan Zan və Davut Güloğlu kimi məşhur adların yarışdığı yerli seçkilər bütün Türkiyə tərəfindən həyəcanla izlənilib.

Aktyor Erdal Beşikçioğlu, Cümhuriyyət Xalq Partiyasının Ankara - Etimesqut namizədi 56,59 səslə birinci olub.

Tanınmış futbol məşqçisi Mustafa Dənizlinin qızı Lal Dənizli 53,69 faiz səslə rəqiblərini geridə qoyub. Cümhuriyyət Xalq Partiyasının İzmir - Çeşmə namizədi idi.
Dördüncü yerdə 2,01 faizlə Türkiyə İşçi Partiyası / Hatay Böyükşəhər Bələdiyyəsinin namizədi, keçmiş futbolçu Gökhan Zan qərarlaşıb.
Müğənni Hakan Peker, İYİ Partiya /Safranbolu namizədi 3,68 faiz səslə beşinci olub.
Jurnalist və aparıcı Məsut Yar, Müstəqil / Muğla - Datça namizədi 7,51 faiz səslə CHP və MHP namizədlərindən geridə qalıb.
Yenidən Rifah Partiyasının / Düzce bələdiyyəsinin namizədi müğənni Davud Güloğlu 29,77 faiz səslə hakim Ədalət və İnkişaf Partiyasının namizədindən sonra ikinci yerdədir.
Türkiyə İşçi/Partiyasının Ankara-Çankaya namizədi jurnalist İrfan Değirmenci 6,03 faiz səslə CHP və AKP-nin namizədlərindən geridə qalıb.

Telegramda izləyin