İpoteka ilə mənzil alan vətəndaşların əmlakları hansı hallarda müsadirə olunur? - AÇIQLAMA

Məhkəmələrdə ən çox baxılanmözular vətəndaşların mənzilləri alarkən dələduzluq halları ilə üzləşməsi, o cümlədən ipoteka krediti ilə götürülən mənzilin kreditinin vaxtında ödənməməsi ilə bağlıdır. Ümumiyyətlə ipoteka yolu ilə ev-alqı satqısı mürəkkəb bir prosesdir. Bu baxımdan sözügedən yolla mnzil almaq diqqətli qiymətləndirmə, düzgün sənədlərin hazırlanması, maliyyə təhlili və hüquqi məsləhət tələb edir. Bəs vətəndaş ipoteka yolu ilə mənzil alarkən hansı hallarda onun əmlakına həbs qoyula bilər?

Mövzu ilə bağlı əmlak məsələləri üzrə ekspert Elnur Fərzəliyev Sonxeber.az-a açıqlamasında bildirib ki, İpoteka və digər bankdaxili kreditlərlə şəxslərin aldığı əmlak bankın mülkiyyətində qalır:

"Girov olaraq və bankın mülkiyyətində olaraq qalır. Vətəndaş kredit müddəti bitənə qədər aybaay borcunu ödəyir. Kredit tam bitdikdən sonra bank tərəfindən məktub verilir. Aidiyyəti üzrə sənədləri əmlakla bağlı qurumlara təqdim edir və daha sonra vətəndaş həmin əmlakı öz mülkiyyətinə keçirə bilər. Hər hansı bir halda əmlak girovdadırsa, şəxsin bir münasibəti ilə bağlı məhkəmə predmeti yaranarsa, vətəndaşın əmlakına "stop" qoyularsa, yaxud başqa bir şəxslərə ayxud dövlətə borc qarşılığında həmin ipoteka krediti ilə alınan əmlak müsadirə oluna bilməz. Əgər vətəndaş bankdan kreditlə mənzil alıbsa, onun kreditinin ödənməsində uzun müddət gecikmələr olarsa, banl tərəfindən vətəndaşa dəfələrlə xəbərdarlıqlar edilir. Daha sonra isə əmlak satışa çıxarılaraq hərrac vasitəsilə satılır. Vətəndaşın banka olan borcu bank tərəfindən götürülür və bağlanır. Yerdə qalan hissə isə vətəndaşa qaytarıla bilir. İpoteka krediti ilə alınan mənzil yalnız bank tərəfindən vətəndaşdan müsadirə oluna bilər. Bu zaman vətəndaş gərək həmin mənzilin kreditini ödəməkdə etiraz etsin yaxud ödəmə qabiliyyətini itirsin. Başqa hallarda həmin əmlak müsadirə oluna bilməz".

Sevda Səfərova

Telegramda izləyin