Bir müəllim özəl dərs keçmək üçün getdiyi binada eşitdiklərinə inanmadı - VİDEO

Xüsusi dərs vermək üçün getdiyi binada xoşagəlməz münasibətlə üzləşən bir müəllim sosial mediada paylaşımı ilə böyük rezonans yaradıb.

Sonxeber.az türk mediasına istinadən xəbər verir ki, müəllim bildirib ki, dərs üçün binaya çatanda qarşısına çıxan bir qadın onun "xüsusi dərs üçün gəldiyini" eşidəndə, "Sən müəllim deyilsən" deyə reaksiya verib.

Müəllim qeyd edib ki, bu yanaşma sanki "Təhsil Nazirliyinə bağlı məktəbdə işləmirsənsə, müəllim sayılmazsan" mənasını daşıyır. O, paylaşımında cəmiyyətin təyin olunmamış müəllimlərə qarşı formalaşdırdığı mənfi yanaşmaya diqqət çəkib.

"Əgər təyin olunmamış mühəndis, vəkil və ya diş həkimi hələ də öz peşəsinin sahibidirsə, təyin olunmamış müəllim də müəllimdir", – deyə müəllim vurğulayıb.

Sözügedən paylaşım qısa müddətdə minlərlə baxış və şərh toplayaraq sosial mediada geniş müzakirələrə səbəb olub.

Telegramda izləyin