11 yaşlı əlil uşağın əmisi tərəfindən illərlə göyərçin yuvasında saxlanıldığı üzə çıxıb

Ankarada 11 yaşlı əlil bir uşağın illərdir əmisi tərəfindən göyərçin yuvası kimi istifadə olunan yerdə yaşamağa məcbur edildiyi məlum olub.

Sonxeber.az türk mediasına istinadən xəbər verir ki, hadisə sosial mediada yayımlanan görüntülərlə ortaya çıxaraq geniş rezonans doğurub.

Məlumata görə, atasının vəfatından sonra anası tərəfindən tərk edilən uşaq əmisi tərəfindən soyuq, çirkli və sağlamlıq üçün yararsız bir məkanda saxlanılıb.

Görüntülər yayıldıqdan sonra məsələ qısa zamanda ölkə gündəminə çevrilib. Sosial media istifadəçiləri muxtar, bələdiyyə və sosial xidmət qurumlarının məsuliyyətsiz davrandığını bildirərək sərt tənqidlər səsləndiriblər. Şərhlərdə ən çox diqqət çəkən reaksiyalar bunlar olub:
• "Bu məhəllənin muxtarı hara baxır?"
• "Muxtar, bələdiyyə, sosial xidmətlər nə iş görür?"
• "Bu məhəllənin muxtarı vəzifədən uzaqlaşdırılmalıdır."

Hadisənin böyük ictimai narazılığa səbəb olmasından sonra aidiyyəti qurumların uşağın təhlükəsizliyi və baxımı ilə bağlı təcili tədbir görməsi gözlənilir.

Telegramda izləyin