Liftdən düşmək üçün addım atdı, sonrası qorxunc... - VİDEO

Hindistanda nasaz lift az qala faciəyə səbəb olacaqdı.

Hindistanda bir yaşayış binasında baş verən lift nasazlığı az qala faciəyə səbəb olacaqdı.

Sonxeber.az xarici mediaya istinadən xəbər verir ki, endiyi mərtəbəyə çatan bir kişi liftdən çıxmaq üçün addım atarkən kabinənin qəfil hərəkətə başlaması nəticəsində ciddi təhlükə ilə üzləşib. Hadisə anı liftin təhlükəsizlik kamerası tərəfindən qeydə alınıb.

Mediada yayılan görüntülərə görə, liftlə yuxarı qalxan kişi mərtəbəyə çatdıqdan sonra qapı açılan kimi çölə çıxmaq istəyib. Lakin kabinə gözlənildiyi kimi dayanmayıb və hərəkət etməyə davam edib.

Bu anda vəziyyətin fərqinə varan kişi refleks olaraq özünü irəli ataraq liftlə mərtəbə arasında sıxışmaqdan son anda xilas olub.

Faciəyə saniyələr qalmış yaşanan həmin anlar liftin təhlükəsizlik kamerası tərəfindən saniyə-saniyə qeydə alınıb. Görüntülərdə kişinin qapı açılan kimi addım atdığı, lakin liftin hərəkət etdiyini anlayan kimi sürətlə özünü irəli ataraq təhlükədən qurtulduğu aydın görünür.

Telegramda izləyin