Rəhman Rəhmanov: "Heyif ki, aramızdan çox tez ayrıldı"

Əməkdar artist Rəhman Rəhmanov mərhum həmkarı, "Ələkbər əmi" obrazı ilə tamaşaçıların yaddaşında qalan Əməkdar artist Ələkbər Hüseynovu ehtiramla xatırlayıb.

O, Qaynarinfo-ya açıqlamasında Ələkbər Hüseynovun vaxtsız vəfatından təəssüfləndiyini bildirib:

"Heyif ki, belə bir aktyor aramızdan çox tez ayrıldı. "Ələkbər əmi"nin oğlu Cavidan bir müddət bizim teatrda çalışdı. Sonra teatrdan ayrıldı və ondan sonra onunla əlaqəmiz kəsildi. Hazırda harada yaşadığı barədə məlumatım yoxdur. Qızı Nərgiz isə skripka üzrə təhsil alırdı. İndi onun haqqında da məlumatım yoxdur".

Qeyd edək ki, iyulun 7-si "Ələkbər əmi" kimi tanınan Əməkdar artist Ələkbər Hüseynovun doğum günü idi. Aktyorun qızı Nərgiz Hüseynova həmin gün sosial şəbəkə hesabında atasını bu sözlərlə anıb: "65 yaşın mübarək, ata".

Xatırladaq ki, Əməkdar artist Ələkbər Hüseynov uzun sürən xəstəlikdən sonra, cəmi 46 yaşında vəfat edib.

Telegramda izləyin