İrem Derici: "Bu dolğu deyil" - çənəsindəki şişliyin səbəbini açıqladı

Türkiyəli məşhur müğənni İrem Dericinin son görüntülərində çənəsinin əvvəlkindən daha sivri və qabarıq görünməsi sosial şəbəkələrdə geniş müzakirələrə səbəb olub. Bir çox istifadəçi sənətçinin çənə dolğusu etdirdiyini iddia etsə də, Derici bu xəbərləri təkzib edib.

Sonxeber.az türk mediasına istinadən xəbər verir ki, müğənni açıqlamasında bildirib ki, üz nahiyəsində yaranan şişkinlik estetik müdaxilə ilə bağlı deyil. Onun sözlərinə görə, naməlum bir həşərat və ya başqa bir canlı tərəfindən dişlənməsi nəticəsində çənəsində şiş yaranıb və konsertdən dərhal sonra xəstəxanaya müraciət edib.

İrem Derici sosial media hesabında paylaşdığı açıqlamada, "Bu dolğu deyil. Dünən məni nəsə dişlədi, səhnədən birbaşa xəstəxanaya getdim. Belə dolğu olar?" sözləri ilə yayılan iddialara cavab verib.

Beləliklə, sosial mediada geniş müzakirə olunan çənə görüntüsünün estetik əməliyyatdan deyil, müvəqqəti sağlamlıq problemindən qaynaqlandığı məlum olub.

Telegramda izləyin