Qızı ilə çörək almağa gedən ata motosikletin qurbanı oldu - VİDEO

İstanbulun Başakşehir rayonunda 45 yaşlı Mehmet Kartop 12 yaşlı qızı ilə çörək almağa gedərkən motosikletin vurması nəticəsində yaralanıb. Hadisə anı təhlükəsizlik kamerasına düşüb.

Sonxeber.az xarici mediaya istinadla xəbər verir ki, sürətlə hərəkət edən və nömrəsi müəyyənləşdirilməyən motosiklet Kartopa çırpıldıqdan sonra sürücü hadisə yerindən qaçıb. Zərərçəkənin bədənində, o cümlədən burnunda sınıqlar aşkarlanıb. Müalicəsinin ardından xəstəxanadan evə buraxılan Kartop polisə şikayət edib.

Hadisəni danışan ata qızının böyük qorxu yaşadığını bildirib: "Qızım qanı görəndə ‘Ata, ata’ deyib mənə sarıldı. Şükür edirəm ki, qızıma yox, mənə dəydi. Başım yerə dəysəydi, ölə bilərdim. Sürücülərdən xahişim odur ki, sürətlə hərəkət etməsinlər".

Polis hadisə yerindən qaçan motosiklet sürücüsünün müəyyənləşdirilməsi üçün araşdırma aparır.

Telegramda izləyin