"COVİD-19" peyvəndi vurulan könüllülər DANIŞDI

Rusiyada koronavirus peyvəndi vurulan könüllülər özlərini necə hiss etdikləri barədə danışıblar. Onlar yaxşı olduqlarını deyiblər.

Sonxeber.az-ın BiG.AZ-a istinadən verdiyi xəbərə görə, könüllülərin sözlərini Müdafiə Nazirliyinin "Krasnaya zvezda" qəzeti sitat gətirib.

Məlumata əsasən, peyvənd tətbiq edildikdən sonra heç bir ağırlaşma və ya mənfi reaksiya aşkarlanmayıb.

"Peyvəndin necə vurulduğunu heç hiss etmədim - çiyinə vurulan adi iynə kimi. Heç bir simptom yoxdur, bədən hərarətim normaldır - 36.6. Hətta başım da ağramır", - deyə hərbçi Sergey danışıb. O, əlavə edib ki, onlara iştahsızlığın yarana biləcəyini desələr də, hamı əvvəlkindən də çox yeyir. Onun sözlərinə görə, iynə yerində yalnız nöqtə boyda iz qalıb.

Nikolay adlı digər könüllü, özünü dəyişikliklərə hazırlasa da, heç bir simptom hiss etmədiyini deyib: "Orqanizmimin hər şeyin öhdəsindən asanlıqla gəldiyindən məmnunam".

Könüllülər arasında olan hərbçi Yuri vaksini adi vitaminlərin vurulmasına bənzədib. Onun sözlərinə görə, peyvəndin nə xarici, nə daxili təsiri olmayıb.

Həkim-anestezioloq-reanimatoloq Oleq Çixlyaev, könüllülərin müayinəsi və laboratoriya parametrlərinin monitorinqinin nəticələrinə əsasən, heç bir fəsad və ya mənfi reaksiya müşahidə olunmadığını bildirib. O, eksperiment iştirakçılarının sağlamlıqla bağlı şikayətlərinin olmadığını da vurğulayıb.

Telegramda izləyin

instagramda izləyin