Dünyanın bir neçə şəhərində Anım Gününə həsr olunmuş aksiya təşkil edilib - FOTO
Avstraliya Azərbaycanlıları Assosiasiyasının (AAA) təşkilatçılığı ilə Sidney şəhərində 27 sentyabr - Anım Gününə həsr olunmuş aksiya keçirilib.
Diasporla iş üzrə Dövlət Komitəsindən verilən məlumata görə, Sidneyin mərkəzində baş tutan aksiyada Vətən müharibəsi şəhidlərinə həsr olunmuş anım guşəsi yaradılıb. Anım guşəsində Azərbaycan, Türkiyə və Avstraliyanın dövlət bayraqları yerləşdirilib, Azərbaycan əsgərinin qəhrəmanlığını və şücaətini, eləcə də erməni işğalını əks etdirən fotolar, plakatlar və şüarlar nümayiş olunub. Şəhidlərimizin xatirəsinə ehtiram əlaməti olaraq yandırılan şamlar "Azərbaycan" sözünə uyğun düzülüb, şəkillərin önünə gül dəstələri qoyulub.
Qeyd edək ki, sərt pandemiya məhdudiyyətləri səbəbindən aksiyada yalnız AAA sədri Mikayıl Oytanın və Güney Azərbaycan Demokratik Türk Birliyinin Qadın və insan haqları departamentinin müdiri Sara Azərsunun iştirak etməsi qərara alınıb.
Haaqa şəhərində fəaliyyət göstərən Hollanda–Azərbaycan Türk Kültür Dərnəyinin təşkilatçılığı ilə 27 sentyabr – Anım Gününə həsr olunmuş mərasim keçirilib.
Azərbaycan torpaqlarının azad edilməsi və ərazi bütövlüyünün təmin olunması uğrunda həlak olan şəhidlərimizin əziz xatirəsinin bir dəqiqəlik sükutla yad edildiyi anım mərasimi Haaqadakı Məsumlar və Əhlibeyt məscidlərinin imamları Seh Mehmet və Türkcan Akbalın Qurani-Kərimdən oxuduqları ayələr və dualarla davam edib.
Tədbirdə dərnəyin idarə heyətinin üzvü Yasin Zeynallı, dərnəyin sabiq rəhbərlərindən biri olan Fərhad Atəş, Benilüks Azərbaycanlıları Konqresinin sədri Elsevər Məmmədov, Niderland–Belçika Azərbaycanlıları Koordinasiya Şurasının əlaqələndiricisi, "Ana Vətən" Avropa Azərbaycanlı Qadınlar Birliyinin sədri Mayisə Ağamirzəyeva, Niderland–Azərbaycan "Odlar Yurdu" Cəmiyyətinin sədri Firəngiz Bağırova, Real TV-nin Niderlanddakı xüsusi müxbiri Xatirə Sərdarqızı çıxış ediblər. Onlar 44 günlük Vətən müharibəsində qəhrəmanlıq göstərən Silahlı Qüvvələrimizlə qürur duyduqlarını, şəhidlərimizin xatirəsinin daim uca tutulacağını , onların qəhrəmanlıqlarının heç zaman unudulmayacağını bildiriblər.
Eyni zamanda İsveç Azərbaycanlıların Koordinasiya Şurasının, İsveç Qarabağ Azadlıq Mərkəzi Birliyi və Batı Yöteland Azerbaycan Evi Birliyinin təşkilatçılığı ilə Yöteborq şəhərində 27 sentyabr – Anım Gününə həsr olunmuş aksiya keçirilib.
Sltottsskogen parkında gerçəkləşdirilən aksiya zamanı ölkəmizin ərazi bütövlüyü uğrunda canlarından keçən qəhrəmanları xatirəsi bir dəqiqəlik sükutla yad edilib. Azərbaycan və Türkiyənin dövlət bayraqlarının dalğalandırıldığı aksiyada şəhidlərimizin fotoları nümayiş etdirilib, onların şəkilləri önünə güllər düzülüb, xatirələrinə ehtiram əlaməti olaraq şamlar yandırılıb, həzin musiqi səsləndirilib.
80 nəfərə yaxın soydaşımızın və yerli sakinlərin qatıldığı tədbirdə çıxış edən diaspor üzvləri Azərbaycan torpaqlarını mənfur düşmən tapdağından azad edən qəhrəmanlarımızla qürur duyduqlarını, onların göstərdikləri igidlik və şücaətin isə heç zaman unudulmayacağını bildiriblər./oxu.az





Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bu tarixdən kəskin soyuqlar düşəcək, QAR YAĞACAQ
"Bakıda 11 evim, 26 maşınım var"
Afrika Millətlər Kubokunun finalında qaçan penalti yenidən müzakirə mövzusuna çevrildi
Kamran Əsədov həbs edildi
Pensiyalar bu qədər ARTIRILACAQ - YENİLİK
Hansı heyvanın ətini yemək daha faydalıdır?
Bu gecə səma bizə "güləcək"
Avtomobilin sonradan dəyişdirildiyi ekspertizada üzə çıxdı, sahibi xəstəxanalıq oldu - VIDEO
May ayında 14 gün İŞ OLMAYACAQ
Tanınmış aparıcının aşıq havasına rəqsi TƏNQİD OLUNDU - VİDEO
SON DƏQİQƏ! Məşhur azərbaycanlı aktrisa DÜNYASINI DƏYİŞDİ - FOTO
Mədət Quliyevlə Zəhra ayrılıb
Son 50 ilin ƏN GÜCLÜ QARI - Rusiyadan sonra növbə Azərbaycana çatır?
Bu pensiyalar 53 MANAT ARTILIR
Fizika qanunlarını pozur: Qədim qara dəlik gözləniləndən 13 dəfə sürətlə böyüyür