"Azəriqaz" Xankəndinə qaz yox, son şans verir - GÜNÜN MÖVZUSU

"Azəriqaz" Xankəndiyə qazın veriləcəyini açıqlayıb.

Dövlət şirkətinin bəyanatında deyilir: "Son günlər Qarabağ iqtisadi rayonuna aid ərazidə uzun illər texniki xidmət göstərilmədən istismar olunan qaz paylayıcı xətlərdəki nasazlıq qaz təchizatında problemlərin yaranmasına səbəb olub.

Martın 28-də Xankəndi və digər ətraf yaşayış məntəqələrinə təbii qazın verilməsi bərpa olunacaq və ilk növbədə test işləri həyata keçiriləcək. Bununla əlaqədar olaraq istehlakçılara təbii qazdan istifadə edən zaman diqqətli olmaq, texniki təhlükəsizlik qaydalarına ciddi riayət etmək tövsiyə edilir.

Martın 29-da test yoxlamaları başa çatdırıldıqdan sonra Qarabağ iqtisadi rayonuna aid ərazidə təbii qazın verilməsi tam bərpa olunacaq".

Xankəndinə təbii qaz verilməsi ilə bağlı "Azəriqaz"ın açıqlaması yetərincə konkret, bitkin və ən başlıcası, siyasi altqatlıdır.

Sosial şəbəkələri oxuyuram.

"Ermənilərə niyə qaz veririk?", "Geri çəkildik!", "Rusun dediyini edirik" və sair və ilaxır.

Fəqət, 3 məqamı ilk əvvəl aydınlaşdırmaq gərəkdir:

1. Xankəndinə kimin - Ermənistanın, yoxsa Azərbaycanın - təbii qazı verilir? 2. İstehlak edilən təbii qaza görə ödənişlər Azərbaycanın, yoxsa Ermənistanın büdcəsinə gedir? 3. İstehlak edilən təbii qaza görə ödəniş hansı valyutada - manatda, yoxsa erməni dramında - həyata keçirilir?

Suallara cavab verək.

1. Xankəndinə, habelə Rusiyanın sülhməramlı kontingentinin müvəqqəti yerləşdirildiyi ərazilərə təbii qaz Ermənistandan verilir.

2. Bu ərazilərdə istehlak olunan təbii qaza görə ödənişlər Ermənistan büdcəsinə gedir.

3. İstehlak olunan təbii qaza görə erməni dramı ilə ödəniş olunur.

Açıqlamanın "Azəriqaz" tərəfindən verilməsi Ermənistan və Rusiya ilə yanaşı, Qərbə də sərt messicdir: Qarabağdakı ermənilərin təminatı Ermənistan və Rusiyadan yox, Azərbaycandan asılıdır.

Məhz Azərbaycan bu ərazidə nəyin nə olacağını təyin və təmin edəcək.

Xankəndinə təbii qaz Ermənistandan verilir, amma boruya tam nəzarət bizdədir.

Boru da müvəqqətidir - bunu Ermənistan rəhbərliyi də bilir, Xankəndindəki ermənilər də.

Ona görə əsl erməni şivəni qaldırıblar.

"Azəriqaz" kəllməsini oxuyanda ermənilər dəqiq anlayıblar ki, onlardan artıq heç nə asılı deyil.

Xankəndindəki, Əsgərandakı, Ağdərədəki, Xocalıdakı erməni sürülərinə təhlükəsizlik təminatını nə Ermənistan, nə Rusiya, nə Fransa verə bilər, vermir və verməyəcək də.

Azərbaycandır təminatçı: ermənilər Bakının tələblərini və şərtlərini yerinə yetirərsə.

Tələblərsə çox sadə və bəsitdir: rusiyalı sülhməramlıların hələlik nəzarət etdikləri ərazilərdəki ermənilər birdəfəlik dərk etməlidirlər ki, onlar ya Azərbaycan vətəndaşı olduqlarını xatırlayaraq Azərbaycanın mövcud qanunvericiliyinə tam, qeyd-şərtsiz əməl edirlər və silahı yerə qoyaraq normal yaşama başlayırlar, ya da Azərbaycanı tərk edib istədikləri məkana, dövlətə yollanıb "öz müqəddəratlarını" orada təyin etməyə, yeni erməni "dövləti" qurmağa başlayırlar.

Bu qədər bəsit.

"Azəriqaz"ın açıqlamasındakı digər diqqətçəkən məqam "Bununla əlaqədar olaraq istehlakçılara təbii qazdan istifadə edən zaman diqqətli olmaq, texniki təhlükəsizlik qaydalarına ciddi riayət etmək tövsiyə edilir" cümləsidir.

Beləcə, "Azəriqaz"ın açıqlaması vasitəsilə rəsmi Bakı ermənilərə xəbərdarlıq edir ki, Qarabağdakı ermənilər sadəcə, "istehlakçılar"dır, yəni Azərbaycan vətəndaşlarıdır və onlar bütün problemləri ilə bağlı İrəvana, ATƏT-in Minsk Qrupuna, Fransa Prezidentinə, Rusiyanın dövlət başçısına, yaxud Dalay Lamaya və ya Madaqaskardakı Taksi Sürücüləri Federasiyasına yox, məhz Bakıya müraciət etməli, çözümü bizdən istəməlidirlər.

Azərbaycanın indiyədək Ermənistandan Xankəndinə təbii qaz verilməsinə mane olmaması sadəcə, Bakının humanizmi ilə bağlıdır.

Əldə silah tutmayan və terrorçuluqla məşğul olmayan qarabağlı ermənilər, qocalar və uşaqlar normal məişət şərtlərindən məhrum olunmamalıdırlar.

Lakin rəsmi Bakı Ermənistan tərəfdən Azərbaycanlı silahlı separatçılara və terrorçulara dəstək verilməsinə, o cümlədən təbii qaz təminatına laqeyd qala bilməz.

2020-ci ilin noyabrın 20-də Rusiya, Azərbaycan və Ermənistan arasında imzalanmış üçtərəfli bəyanatda da Qarabağda yaşayan ermənilərin təbii qazla təminatı, xüsusilə də Ermənistandan Xankəndinə uzanan qaz boru kəməninin normal fəaliyyətinin təminatı ilə bağlı bir kəlmə yer almayıb.

Rəsmi Bakı məhz bu səbəbdən Xankəndinə təbii qazı məhud həcmdə, kvota ilə, dinc əhali və rusiyalı sülhməramlılara yetəcək qədər buraxa bilər.

Təbii ki, həmin təbii qazın istehlakçının yoxlanması və monitorinqi şərtdir.

Çünki biz yerli ermənilərin diversant dəstələrini və Ermənistanın buradakı hərbçilərini təbii qazla təmin etmək niyyətində deyilik.

"Azəriqaz"ın bəyanatı həm də xəbərdarlıqdır ki, hazırda rusiyalı sülhməramlıların yerləşdiyi ərazilər bir müddət sonra Azərbaycanın ümumi qazpaylama şəbəksinə qoşulacaq, yerli ermənilər də "Azəriqaz"ın abonentləri olacaqlar.

"Azəriqaz"ın açıqlamasının altqatı budur.

Rusiyaya gəldikdə isə...

Ordumuz mövqelərindən, nəzarət etdiyi yeni postlardan bir santimetr də geri çəkilməyib.

Rusiya Müdafiə Nazirliyinin dünənki sarsaq və idiotik bəyanatına da Azərbaycan Müdafiə Nazirliyi tərs şapalaq kimi bəyanat verdi.

Hə, bəyanatın sonunda Müdafiə Nazirliyimizin "xahiş edirik" ifadəsi işlətməsini də "zəiflik əlaməti" sayanlar var, "tələb edirik" yazılmasını məqbul sayanlar da.

Nəzakət tərbiyəlilərə və özünə inananlara məxsusdur.

Qorxağın nəzakəti yaltaqlıq, sarsağın nəzakəti qabalıqdır.

"Xahiş edirik" ifadəsini hərbçilər işlədəndə isə tam ayrı məna kəsb edir. Bütün hallarda bu ifadə sonuncu xəbərdarlıq sayılır.

Hərbçi dostlarım bunu əla bilirlər./Milli

Telegramda izləyin