Mən geri qayıdacağam - Edam olunan qadınların son sözləri...

Sonxeber.az Kulis.az-a istinadən ölüm hökmü ilə cəzalandırılmış qadınların son sözlərini təqdim edir.

Bəzən qatillərin necə düşündüklərini, niyə cinayət törətdiklərini və qurbanlarını necə seçdiklərini anlamağa çalışırıq. Amma hər şeydən çox, onların nə vaxtsa öz əməllərindən peşman olub-olmadığını bilmək istəyirik. Beləliklə, biz edam cəzasına məhkum edilmiş məşhur qatillərin son sözləri ilə təbii olaraq maraqlanırıq. Görəsən qatilin özü ölümlə üzləşəndə ağlından nə keçir? Qatil qadın olduqda bu maraq daha da artır, çünki insanları öldürmək qabiliyyətinə malik qadınları təsəvvür etmək onsuz da çətindir. Edam olunmuş qadınların son sözləri sizi ciddi şəkildə düşündürəcək.

1) Ameliya Dayer

Ameliya Dayer daimi bir ev tapılana qədər yetim körpələrə qulluq etməklə dolanırdı. Bu, 1890-cı illərdə İngiltərədə adi bir təcrübə idi. Sonra, 1896-cı ildə yerli hakimiyyət orqanları onun cinayətlə məşğul olduğunu anladılar: Dayer körpələri boğaraq onların cəsədlərini Temza çayına atırdı. Dayer qətlləri inkar etmədi və onu həbs edəndə səlahiyyətlilərə dedi: "Siz mənim qurbanlarımın hamısını boyunlarında olan lentlərdən tanıyacaqsınız". İstintaq heyətinə onun günahkar olduğunu aşkar etmək üçün cəmi beş dəqiqə lazım olub. Asılarkən dediyi sözlərdən bəlli olur ki, törətdiyi cinayətlərə görə peşmanlıq hissi keçirməyib:

Deməyə sözüm yoxdur.

2) Aliyen Vurnos

Aliyen Vurnos 1989-cu ilin dekabrından 1990-cı ilin sentyabrına qədər Floridanın şimalında və mərkəzi hissəsində altı kişini öldürdüyünü etiraf etdi. Vurnos kişilərin onun "müştəriləri" olduğunu, lakin hər birinin ona cinsi təcavüz etməyə çalışdıqlarını iddia etdi. O, kişiləri özünü müdafiə etmək üçün vurduğunu söylədi. Vurnosun işi ilə bağlı media çılğınlığı ona "Amerikanın ilk qadın serial qatili" kimi məşhur titul qazandırdı. Vurnos 9 Oktyabr 2002-ci ildə ölümcül inyeksiyadan bir qədər əvvəl qorxunc son sözlərində Müstəqillik Günü filminə istinad etdi:

Mən sadəcə olaraq demək istərdim ki, daşlarla üzürəm və 6 iyun Müstəqillik Günü kimi qayıdacağam. Film, böyük gəmi və hər şey kimi. Mən geri qayıdacağam.

3) Meri Blendi

Meri Blendi XVIII əsrdə İngiltərədə atası Frensis Blendini tərkibində arsen olan məhlulla zəhərlədiyi üçün edam edilib. Meri iddia edib ki, o, qarışığın bir eşq iksiri olduğunu düşünüb və bu, atasını evli ordu zabiti və Şotlandiya zadəganının oğlu Uilyam Henri Kranstun ilə münasibətini yumşaldacaq. Meri Blendi 1752-ci ilin Pasxa səhərində bayram donu geyinərək edam masasına çıxdı:

Ədəb naminə, cənablar, məni yüksəkdən asmayın.

4) Barbara Qraham

Barbara Qraham 1955-ci ildə bir malikanəni qarət etdiyi zaman ev sahibəsi Mabel Monohanı öldürdüyü üçün Kaliforniyada edam edilib. Qraham və dörd digər cinayət ortağı - hamısı kişilər - Monohanın evinə girərək pul və zinət əşyalarını tələb ediblər. Monohan imtina edib və öldürülüb; Qraham və digərləri 15.000 dollarlıq zibil və şkafda gizlədilmiş zinət əşyalarını itirərək evi əliboş tərk ediblər. Qraham 3 iyun 1955-ci ildə qaz kamerasına getdi və ölümdən qaçmaq üçün son cəhddə nəfəsini 60 saniyə saxladı:

Yaxşı insanlar həmişə haqlı olduqlarından əmindirlər.

5) Mira Hindli

Myra Hindli 1966-cı ildə sevgilisi Ayen Bredi ilə birgə 5 uşağı zorlayıb öldürməkdə təqsirli bilinib. Hindli təxminən 20 il məsum olduğunu iddia etsə də, hər ikisi cinayətə görə ömürlük həbs cəzasına məhkum edilib. Hindli 1987-ci ildə nəhayət beş qətlin hamısına görə tam etiraf etdi və şərti azadlığa buraxılma ehtimalı rədd edildi. O, "Britaniyanın ən pis qadını" kimi tanınsa da, dövlət tərəfindən edam edilmədi; o, 2002-ci ildə həbsxanada tənəffüs çatışmazlığından öldü. Son ayinlərini yerinə yetirmək üçün göndərilən keşiş bunları deyib:

Ölməzdən əvvəl etdiyi son söhbət anası ilə bağlı olub. O, sadəcə anası üçün narahatlığını ifadə etdi - amma onun dediklərini dəqiq deməyəcəyəm.

Telegramda izləyin