Həbsxanada iki avtoritet dava etdi - 43 nəfər öldü - VİDEO

Cənubi Amerikanın "Bellavista" həbsxanasında 2 kriminal avtoritet arasında dava düşüb.

Sonxeber.az xarici mətbuata istinadən xəbər verir ki, hadisə zamanı 43 nəfər ölüb, 13 nəfər yaralanıb.

Yaralıların vəziyyətinin ağır olduğu üçün ölü sayının artacağı gözlənilir.

Hadisə ilə bağlı istintaq başladılıb, həyatını itirən məhbusların şəxsiyyəti müəyyənləşdirilir.

Ekvador Daxili İşlər Naziri Patrisio Karrillo mediaya verdiyi açıqlamada isə davanın bir-birinə düşmən olan "Los Lobos" və "R7" cinayətkar dəstə üzvləri arasında baş verdiyini, həyatını itirən məhbusların daha çox kəsici alətlərlə öldürüldüyünü bildirib.

Nazir, həmçinin, hücrələrdə və dəhlizlərdə təhlükəsizlik qüvvələrinin asayişi bərpa etdiyini, bəzi məhbusların isə qarışıqlıqdan istifadə edərək həbsxanadan qaçmağa çalışdığını deyib.

Qaçmağa cəhd edənlər yenidən həbsxanaya qaytarılıb, 108 məhbus isə hələ də itkindir.

Polis qaçan məhbusları tutmaq üçün Santa Dominqo şəhərindəki "Bellavista" həbsxanasını əhatə edən bütün yolları mühasirəyə alıb.

Aysel Quliyeva

Telegramda izləyin