Muğənni Ayşə evdə ölü tapıldı

Türkiyənin İzmir şəhərində müğənni Ayşə Ayçiçək yaşadığı evdə ölü tapılıb.

Sonxeber.az xarici mətbuata istinadən xəbər verir ki, Ayşə həmin evbdə sevgilisi ilə yaşayıb.

Belə ki, müğənninin sevgilisi səhər yuxudan oyananda Ayşənin nəfəs almaqda çətinlik çəkdiyini görüb.

Hadisə yerinə təcili tibbi yardım əməkdaşları gələnə kimi Ayçiçək həyatını itirib.

Meyitin ekspertizadan sonra morqa göndəriləcəyi bildirilir.

Polis əməkdaşları baxış keçirən zaman evdə narkotik maddə aşkarlayıblar.

Hadisə ilə bağlı Ayşənin sevgilisi şübhəli qismində bölməyə aparılıb. O, birlikdə spirtli içki içib, narkotik istifadə elədiklərini qəbul edib, amma oyanandan sonra qadının çətin nəfəs aldığını görərək sadəcə təcili tibbi yardıma xəbər verdiyini bildirib.

Şübhəli şəxs sərbəst buraxılıb.

Qeyd olunur ki, əyləncə məkanlarında mahnı oxuyan müğənni Ayşə bir uşaq anasıdır.

AYSEL QULİYEVA

Telegramda izləyin