İqtisadçıdan BƏDBİN PROQNOZ: "Qara dənizin bloklanması Cənubi Amerika və Afrika ölkələri üçün ciddi təhlükədir"

İqtisadçıdan BƏDBİN PROQNOZ: "Qara dənizin bloklanması Cənubi Amerika və Afrika ölkələri üçün ciddi təhlükədir"Ötən gün Birləşmiş Millətlər Təşkilatının İnkişaf Proqramının rəhbəri Aksim Ştayner Davosda keçirilən Dünya İqtisadi Forumunda Ukrayna ətrafındakı vəziyyətin yaratdığı artan inflyasiya və faiz dərəcələrinin 70 ölkədə defolta səbəb ola biləcəyini deyib.

Məsələ ilə bağlı Sonxeber.az-a Azərbaycan Dövlət İqtisad Universitetinin (UNEC) professoru Elşad Məmmədov açıqlama verib.

O bildirib ki, Rusiyaya qarşı olan ölkələr siyahısında Qərb dövlətlərini, Aİ, Böyük Britaniya və ABŞ-ı nəzərdə tutmaq olar:

"Əslində, real vəziyyət onu deməyə əsas verir ki, faktiki olaraq, Rusiyaya qarşı defolt elan olunub. İqtisadi terminologiyaya görə, defolt hansısa bir dövlətin, yaxud da iqtisadi sistemin öz borclarını ödəyə bilmədiyi barədə rəsmi məlumat verməsinə deyilir. Rusiyanın yüz milyardlarla qızıl valyuta ehtiyatlarına həbsin qoyulması, vəsaitlərinin dondurulması və s. amillər onu göstərir ki, həmin Qərb ölkələri Rusiyaya qarşı əslində öz ödəmə qabiliyyətlərinin olmamasını bildirirlər. Sadə dil ilə desək, onlar Rusiyaya olan borclarını verməmək barədə qərar veriblər. Bu da o deməkdir ki, artıq həmin ölkələr Rusiyanın suveren qızıl valyuta ehtiyatlarına həbs qoyublar. Ona görə də, faktiki olaraq, defolt baş verib.

Bu, heç bir halda Rusiyanın defolt olması demək deyil. Çünki Rusiya Federasiyası açıq şəkildə öz rəsmilərinin dili ilə bildirir: "Bizim qanuni suveren qızıl valyuta ehtiyatlarımız var. Əgər siz onlardan istifadə etməyimizi qeyri-mümkün etmisinizsə, o zaman artıq biz sizə olan borclarımızı ödəyə bilməyəcəyik. Siz bizim vəsaiti dondurmusunuzsa, biz sizə borcunuzu necə ödəyə bilərik?!"

Amma buna baxmayaraq, Rusiya bu vaxta qədər öz öhdəliklərini ödəməkdədir. Nəticədə isə ABŞ artıq may ayının 25-dən Rusiya vəsaitinə bundan əvvəl qoyulmayan həbslə bağlı da məhdudiyyət tətbiq edib. Belə olan halda Rusiyanın reaksiyası, təbii ki, gözlənilən formada olub. Onlar ödənişləri rublla həyata keçirəcəklərini bildiriblər".

E. Məmmədov bir çox ekspertlərimizin məsələni qarışdırdıqlarını və bunu Rusiyanın süqutu kimi təqdim etməyə çalışdyıqlarını təəssüflə qeyd edib:

"Amma bu, qətiyyən belə deyil. Çünki son nəticədə, sözügedən Qərb ölkələrinin Rusiya ərazisindəki aktivlərinin həcmi həmin yüz milyardlardan da çoxdur. Mən hesab edirəm ki, bu, Rusiya iqtisadiyyatı üçün heç də fəlakət deyil. Sözsüz ki, Rusiyaya bunun mənfi təsirləri olacaq. Çünki texnoloji nöqteyi-nəzərdən son onilliklər ərzində geriləmə olub. Onu da deyim ki, Rusiyanın təbii ehtiyat resurslarından istifadədə xüsusilə Aİ-yə qoyulacaq məhdudiyyət Avropa iqdisadiyyatı üçün çox ciddi problemlərin olmasını qaçılmaz edir".

Eyni zamanda, dərin iqtisadi böhranla yanaşı, ərzaq böhranı da Cənubi Amerika və Afrika ölkələrində gözlənilir. Çünki ərzaq, eləcə də kənd təsərrüfatı bazarında Rusiyanın payı olduqca böyükdür. Rusiyanın ixracata məhdudiyyətlər qoyması, Qara dənizin bloklanması Ukraynanın ixracatına çox ciddi təsir göstərməkdədir. Bunlar istər Avropa, istərsə də Cənubi Amerika və Afrika ölkələri üçün olduqca ciddi problemlərin olmasını qaçılmaz edir".

Aysel SƏFƏRZADƏ


Sonxeber.az
Telegramda izləyin
İqtisadiyyat   Baxılıb: 2070   Tarix: 26 may 2022  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Mərkəzi Bankın valyuta ehtiyatları 15,4 mlrd. dolları ötüb

Bu il oktyabrın sonuna Azərbaycan Mərkəzi Bankının valyuta ehtiyatları 15 milyard 430,4 milyon ABŞ dolları təşkil edib. Mərkəzi Banka istinadən xəbər verir ki, bu, sentyabrın sonu ilə müqayisədə 67 milyon dollar və ya 0,44% çoxdur. Ötən ilin oktyabr ayının sonu ilə müqayisədə isə ehtiyatlar 4 milyar

3 noyabr
.

EIA bu il üçün Azərbaycanda neft hasilatı proqnozunu sabit saxlayıb

ABŞ Energetika Nazirliyinin Enerji İnformasiya Administrasiyası (EIA) Azərbaycanda 2026-cı il üçün gündəlik neft hasilatı ilə bağlı proqnozunu sabit saxlayıb. xəbər verir ki, bu barədə EIA "Qısamüddətli enerji perspektivi" adlı hesabatın noyabr ayı üzrə açıqladığı məlumatda qeyd edilib. EIA-nı

11 noyabr
.

Brent markalı neftin qiyməti bir barel üçün 95,52 dollara düşdü

Əvvəlki hərracların nəticələrində qeydə alınan əhəmiyyətli artımdan sonra cümə səhəri neft qiymətləri orta dərəcədə azalır. xəbər verir ki, Londonda yerləşən ICE Futures birjasında yanvar ayı üçün Brent markalı neftin fyuçerslərinin qiyməti əvvəlki bağlanışdan 0,30 dollar (0,31 faiz) az, 95,52 dollar/bare

13 noyabr
.

Xəzər dənizinin çəkilməsi COP31-də dünya gündəminə çıxarılacaq

"Azərbaycanın COP31 gündəliyindəki əsas mövzular arasında Xəzər dənizinin problemləri də yer alır". "Report"a istinadən xəbər verir ki, bunu Azərbaycan Prezidentinin İqlim məsələləri üzrə nümayəndəsi Muxtar Babayev COP31 çərçivəsində qurulan Azərbaycan pavilyonunda jurnalistləri

9 noyabr
.

Azərbaycanda 9 ayda nəqliyyat dəhlizləri ilə daşınmış yükün həcmi açıqlanıb

Bu ilin yanvar-sentyabr aylarında Azərbaycandan keçən nəqliyyat dəhlizlərində dəmir yolu nəqliyyatı ilə 12 milyon 81,7 min ton yük daşınıb. Bu barədə Dövlət Statistika Komitəsinə istinadən xəbər verir. Bundan başqa, məlumata görə, hesabat dövründə dəniz nəqliyyatı ilə 5 milyon 370,1 min ton, və avtomobi

16 noyabr
.

Azərbaycan Türkiyədən geyim idxalına çəkdiyi xərcləri 21 %-dən çox artırıb

Bu ilin yanvar-oktyabr aylarında Azərbaycan Türkiyədən 54,094 milyon ABŞ dolları dəyərində geyim idxal edib. Türkiyə İxracatçılar Məclisinə istinadən xəbər verir ki, bu, 2025-ci ilin eyni dövrü ilə müqayisədə 21,4 % çoxdur. Oktyabrda Türkiyə Azərbaycana 4,927 milyon ABŞ dolları dəyərində geyim ixra

9 noyabr
.

Azərbaycanda son 6 ildə qeyri-neft-qaz ixracı 2,5 dəfə artacaq

Azərbaycanda 2026-cı ilin gözlənilən nəticəsi də nəzərə alınmaqla 2019-cu ildən bəri qeyri-neft-qaz ixracı 2,5 dəfə artacaq. xəbər verir ki, bunu İqtisadiyyat Nazirliyinin Aparat rəhbəri Elvin Camalov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında - 2027-c

4 noyabr
.

Hotellərə yeni tələb qoyulur

Azərbaycanda hotellərin üzərinə yeni tələb qoyulur. xəbər verir ki, sözügedən məsələ Vergi Məcəlləsinə təklif edilən dəyişiklik layihəsində əksini tapıb. Layihəyə əsasən, mehmanxana (hotel) və sanatoriya fəaliyyəti ilə məşğul olan şəxslər tərəfindən onların rüb ərzində xidmət göstərdiyi ölkəyə turis

5 noyabr
.

Azərbaycanda aqrar sektor 1 %-dən çox böyüyüb

Bu ilin yanvar-oktyabr aylarında Azərbaycanda 13 milyard 123,3 milyon manat dəyərində kənd təsərrüfatı məhsulları istehsal edilib. Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 1,4 % çoxdur. Hesabat dövründə heyvandarlıq məhsullarının istehsalı 1,6 %

13 noyabr