Minimum əməkhaqqı və pensiya 500 manat olacaq?

Qardaş Türkiyədə minimum əməkhaqqı 30 faiz artırılaraq 5500 lirəyə (534 manat) çatdırılıb. İlin sonunda minimum əməkhaqqı ilə bağlı məsələyə də yenidən baxılacağı açıqlanıb. Azərbaycanda isə minimum əmək haqqı və pensiyalar müşahidə olunan bahalaşmaya adekvat hesab olunmur. Əksəriyyət minimum pensiya və maaşların 500 manata çatdırılmasını təklif edir.

Sonxeber.az xəbər verir ki, Bu barədə Modern.az-a danışan Milli Məclisin İqtisadiy siyasət, sənaye və sahibkarlıq komitəsinin üzvü Vahid Əhmədov da bahalaşamnın olduğunu və sürətlə getdiyini təqdiləyib.

Deputat qeyd edib ki, ilkin olaraq təqaüd və maaşların nə qədər artırılacağı ilə bağlı hesablamalar aparılmalıdır:

"Bu səbəbdən konkret məbləğ səsləndirmək düzgün deyil. Kimsə 400 manat olmasını, kimsə 500 manat olmasını istəyər. Amma realda nə qədər artıma ehtiyac olması araşdırılmalıdır.

Bütövlükdə artıma ehtiyac olduğu göz qabağındadır. Çünki ölkədə ciddi qiymət artımı gedir. Bu səbəbdən əmək haqlarına, müavinətlərə, pensiya məsələlərinə yenidən baxmaq lazımdır".

Parlamentari hökumətin artıma getmək üçün kifayət qədər vəsaiti olduğunu da vurğulayıb:

"İnfliyasiya kifayət qədər yüksək olduğu üçün bu məsələlər gündəmdə olmalıdır. İnsanlar bəzi hallarda gündəlik tələbat malları, dərman almağa çətinlik çəkir. Bu məsələləri tənzimləmək lazımdır".

Deputat maaş və pensiyalara yenidən baxıla biləcəyini istisna etməyib.

Telegramda izləyin