Bahalı hədiyyələr, pis vərdişlər, məmurun bağ evində QƏTL: Qayınata kürəkənini niyə güllələyib?

Bahalı hədiyyələr, pis vərdişlər, məmurun bağ evində QƏTL: Qayınata kürəkənini niyə güllələyib?Bakının Xəzər rayonunda 1962-ci il təvəllüdlü Azər Cəfərov kürəkəni Rəşad Məmmədovu qətlə yetirib.

Bizim.Media-nın əldə etdiyi məlumata görə, hadisə 2021-ci il dekabrın 12-də Xəzər rayonunda baş verib. Azər 1985-ci il təvəllüdlü kürəkəni Rəşadı güllələyərək öldürüb.

İstintaq orqanı tərəfindən Azərin barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham elan edilib.

Cinayət işi üzrə təqsirləndirilən şəxs qismində ifadə verən Azər ona elan olunmuş ittiham üzrə özünü təqsirli bilib.

O bildirib ki, qızı Nigarla Rəşad 12 il əvvəl nikaha girərək ailə qurublar:

"Toydan qısa müddət keçəndən sonra bildim ki, Rəşadın pis vərdişləri var: Narkotik vasitələr qəbul edir, spirtli içkilərin aludəçisidir, qızıma qarşı kobud davranır. Bu məsələ ilə bağlı Rəşada müalicə olunması üçün həm Rəşadın valideynləri, həm də mənim tərəfindən səylər göstərildi, pul verildi. Lakin nəticəsi olmadı".

Azərin sözlərinə görə, qızı Nigar Rəşadla evləndiyi vaxtdan onun pis vərdişlərinə görə əziyyət çəkib:

"Amma ailəsini qoruyub-saxlamaqdan ötrü Rəşadın neqativ hərəkətlərinə dözüb. Hətta təxminən 2010-cu ildə qızım boşanma ərizəsi ilə məhkəməyə müraciət edib. Lakin ağsaqqalların tövsiyəsi və səyi nəticəsində qızım Rəşadla barışıb.

Onlar yenə birgə yaşayıblar. Həmin vaxt Rəşadın valideynləri yenə qərara gəldilər ki, Rəşadı müalicə etdirsinlər. Lakin Rəşad müalicəni yarımçıq qoydu, müalicədən yayındı".

Təqsirləndirilən şəxs qeyd edib ki, sonuncu dəfə 2020-ci ilin oktyabr-noyabr aylarında Rəşadın narkotik maddələrdən istifadə etməsi, spirtli içki aludəçisi olması və bütün bunların nəticəsində evdə dözülməz şərait yaratdığına görə Nigar boşanmaq üçün yenidən məhkəməyə müraciət edib:

"Həmin vaxtdan qızım Nigar övladları ilə birlikdə mənim şəhərdə olan mənzilimdə yaşayıblar. Nigar bizdə qaldığı vaxtlarda həftədə iki-üç dəfə Rəşadın uşaqlarını görməsi üçün həm Nigar tərəfindən, həm də mənim tərəfimdən şərait yaradılıb. Nə qızım, nə arvadım, nə də özüm heç vaxt Rəşadın övladlarını görməsinə problem yaratmamışıq".

Azər deyib ki, dekabrın 12-də səhər saatlarında Rəşad mobil nömrəsindən ona zəng edib və aqressiv şəkildə harada olmasını soruşub:

"Mən isə Rəşada Mərdəkanda bağ evimdə olduğumu dedim. Bir qədər sonra Rəşad bizə gəldi. Rəşad zəng edən vaxt mənimlə aqressiv danışdığından onu sakitləşdirmək məqsədilə, həmçinin Rəşadın həyətdə söyüş söyməsindən, səs-küy salmasından ehtiyat etdim. Onu evə dəvət etdim ki, söhbət edək. Rəşadla evə qalxaraq masa arxasında əyləşdik. Ona uşaqları ilə görüşmək üçün heç kəsin mane yaratmadığını başa salmağa çalışdım".

Təqsirləndirilən şəxsin ifadəsinə görə, söhbət zamanı Rəşada gələcəkdə arvadı ilə barışmasını izah edib:

"Ona bildirdim ki, vaxt keçər, yenə barışarlar, yenə ailələri bir-birinə qovuşar. Lakin Rəşad danışıqlarıma əhəmiyyət vermədi. Aqressiv formada məni alçaltmağa çalışdı. Mənə qarşı əxlaqsız sözlər, yaşına uyğun olmayan ifadələr işlətdi. Mən isə əsəbimi cilovlayaraq ona cavab vermədim.

Düşündüm ki, Rəşad sakitləşəcək və xoşluqla gedəcək. Əksinə, Rəşad daha da qızışaraq artıq məni, uşaqlarımı, ailəmi söydü. Məni və ailə üzvlərimi öldürməklə hədələdi. Evin içi olduğu üçün, həmin sözləri yalnız ikimizin eşitdiyini başa düşdüyüm üçün Rəşadın sözlərini sakit qəbul etdim. Söyüş və təhqirlərinə özümü daxilən boğaraq cavab vermədim. Allahdan səbir dilədim, lənət şeytana deyə-deyə toxtamağa, özümü ələ almağa çalışdım".

Azər deyib ki, bundan sonra Rəşad həyətə çıxıb:

"Mən də onun arxasınca çıxdım. Həyətdə Rəşad sakitləşmədi, ölümü-dirimi və nəhayət, atamın qəbrini söydü. Artıq buna dözmədim. Elə bil ki, havalanaraq evə girdim. Girişdə olan ov tüfəngini götürdüm və bayıra çıxdım. Bundan sonra nə baş verdiyini xatırlamıram.

O zaman ayıldım ki, bağban kürəyimdən tutaraq silkələyir. Bu zaman gördüm ki, yerə çökmüşəm. Rəşad isə məndən aralıda torpaqda uzanıb. Bağbana təcili tibbi yardıma zəng etməsini dedim. Özüm isə polisə zəng etdim".

Zərərçəkmiş Rəşadın hüquqi varisi qismində qardaşı dindirilib.

O bildirib ki, təxminən 2008-ci ildə qardaşı Rəşad Nigarla ailə həyatı qurub:

"Rəşadla Nigar mehriban olublar. Rəşad Nigarı, demək olar ki, dünyanın bir çox ölkələrinə gəzməyə aparıb. Birgə nikahdan olan iki qızını da Rəşad həddindən artıq çox istəyib. Onların ailələrində, ola bilsin ki, cüzi söz-söhbətlər ola bilərdi, lakin mərhum atam Rəşidin və təqsirləndirilən Azərin müdaxiləsi ilə yoluna qoyulurdu. Təqsirləndirilən şəxsi yaxşı bir insan kimi tanımışam. Azərin heç vaxt qardaşım Rəşadın ailə işlərinə qarışmadığını bilirdim.

Lakin hamı bilirdi ki, Azərin arvadı Rəşadgilin ailə işlərinə daim müdaxilə edib, Rəşaddan şəhərin mərkəzində ailəsi üçün yeni mənzil almasını tələb edir, tələbi yerinə yetirilmədikdə isə qızı Nigardan boşanmağı tələb edirdi. Hər dəfə Nigar anasının təhriki ilə evdən küsərək getdiyi vaxtdan sonra barışıq əldə edildikdə qardaşım Rəşad Nigara bahalı qızıl-zinət əşyaları verirdi".

Hüquqi varis qeyd edib ki, sonuncu dəfə Nigar onun qardaşından küsərək valideynlərinin evinə gedib:

"Bundan sonra Nigarın anası Şəhla Rəşadın uşaqları ilə görüşməsinə əngəl yaratdı və Rəşad bundan bərk əsəbiləşdi. Hadisə də buna görə baş verib. Rəşad, ola bilsin ki, əsəbi olduğundan Azərin ünvanına və onun atasının ünvanına söyüb. Azər də tüfəngdən atəş açaraq Rəşadı öldürüb. Məgər söyüşə görə adam öz nəvələrinin atasını öldürər?"

Bakı Ağır Cinayətlər Məhkəməsinin hökmü ilə Azər Cəfərov 10 il 6 ay müddətinə azadlıqdan məhrum edilib.

İstintaq sənədlərinə görə, Azər həbs olunana kimi Azərbaycan Respublikası Həmkarlar İttifaqları Konfederasiyasının Xəzər Rayon Təhsil Şöbəsinin məsləhətçisi işləyib. Hökmdən narazı qalan təqsirləndirilən şəxsin hüquqi varisi tərəfindən apellyasiya şikayəti verilib. O, təqsirləndirilən şəxsin cəzasının 14 ilə qədər artırılmasını istəyib.

Onun şikayətinə Bakı Apellyasiya Məhkəməsində baxılıb. Hakim Vaqif Mursaqulovun sədrliyi ilə baş tutan iclasda qərar elan olunub.

Qərara görə, şikayət təmin olunmayıb.


Sonxeber.az
Telegramda izləyin
Kriminal   Baxılıb: 2604   Tarix: 25 iyul 2022  

Şikayətiniz varsa Whatsapp: 077 7125666

Facebookda Paylaş


Tezbazar.az elanlar sayti

Oxşar xəbərlər

.

Traktorla 13 yaşlı velosipedçini vurub öldürdü

Neftçala rayonunda ölümlə nəticələnən yol-nəqliyyat hadisəsi baş verib. "Qafqazinfo" xəbər verir ki, hadisə oktyabrın 22-si Neftçala-Salyan avtomobil yolunun rayonun Həsənabad qəsəbəsindən keçən hissəsində qeydə alınıb. Həsənov Fərhad Kamil oğlu idarə etdiyi traktorla velosipedlə hərəkətd

23 oktyabr
.

Toyda qohumlar dalaşdı, xəsarət alan var

Biləsuvar rayonunda bıçaqlanma hadisəsi baş verib. "Qafqazinfo" xəbər verir ki, hadisə rayon mərkəzində yerləşən şadlıq saraylarının birində qeydə alınıb. Belə ki, qohumlar arasında qanla nəticələnən mübahisə yaranıb. Hadisə zamanı 1977-ci il təvəllüdlü Vəliyev Eldar Cəfər oğlu bıçaqlanıb

12 oktyabr
.

Fatimənin bıçaqlanma anı - Əvvəldən təhdid mesajları yazıbmış-Yenilənib

Dünən saat 21 radələrində Xəzər rayonu Binə qəsəbəsində 24 yaşlı Fatimə Rəhmanzadənin küçədə qətlə yetirilməsinin görüntüləri yayılıb. "Qafqazinfo" xəbər verir ki, hadisə anını vətəndaşlardan biri avtobusun pəncərəsindən lentə alıb. Görüntülərdən məlum olur ki, Binənin Ə.İsazadə küçəsindək

7 oktyabr
.

Ötən gün qəzada yaralanan sürücü vəfat etdi

Ötən gün Xəzər rayonunda baş verən qəzada yaralanan sürücü vəfat edib. "Qafqazinfo" xəbər verir ki, hadisə Şüvəlan qəsəbəsində qeydə alınıb. Belə ki, Elmar Hüseynovun idarə etdiyi "Daewoo" markalı avtobus Elçin Qədimovun idarə etdiyi "Lada Granta" markalı avtomobillə toqquşub

8 oktyabr
.

Bakıda məktəbli qətlə yetirildi - Sinif yoldaşı saxlanıldı - Yenilənib

Bakının Nizami rayonunda məktəbli bıçaqlanıb. "Report"a istinadən xəbər verir ki, hadisə nəticəsində xəsarət alan şagird ölüb. Qətli törətməkdə şübhəli bilinən yeniyetmə polis əməkdaşları tərəfindən müəyyən edilərək saxlanılıb. Faktla bağlı cinayət işi açılıb, araşdırma aparılır. *. -ın məlumatın

5 oktyabr
.

Novruz bayramı günü bibisi oğlunu öldürənə - 14 il həbs verildi

Bu ilin mart ayında bibisi oğlu 1976-cı il təvəllüdlü Rövşən Abdullayevi bıçaqlayaraq öldürən Rizvan Söhbətova hökm oxunub. "Qafqazinfo" xəbər verir ki, Lənkəran Ağır Cinayətlər Məhkəməsi onu Cinayət Məcəlləsinin 120.1 və 228.5-ci maddələri ilə təqsirli bilib. Araşdırmalar zamanı məlum olu

19 oktyabr
.

Generalın qızı məhkəməyə gətirildi - Halı pisləşdi

General-mayor Natiq Əliyevin qızı Türkər Əliyeva artıq Sumqayıt Şəhər Məhkəməsinə gətirilib. "Unikal"a istinadən xəbər verir ki, Türkər Əliyeva halı pisləşdiyindən təcili yardım çağırılıb. Yaxın dəqiqələrdə Türkər Əliyevanın hakim qarşısına çıxarılması gözlənilir. Ona qarşı Cinayət Məcəlləsini

12 noyabr
.

10 milyonluq qızılla tutulan polkovnikin cəzası azaldıldı

İstanbul Hava Limanında 70 kiloqram qaçaqmal qızılla tutulan polkovnik-leytenant Qəhrəman Məmmədovun hökmündən verilmiş apellyasiya şikayətinə baxılıb. "Qafqazinfo"nun əldə etdiyi məlumata görə, Bakı Apellyasiya Məhkəməsi məhkumun bəraət tələbini əsaslı hesab etməyib. Amma Bakı Hərbi Məhkəməsini

11 noyabr
.

Qəzada ağır yaralanan sürücü xəstəxanada öldü

Paytaxtın Heydər Əliyev prospektində ölümlə nəticələnən yol qəzası baş verib. "Qafqazinfo" xəbər verir ki, oktyabrın 28-i saat 21 radələrində Nəcəfzadə Bahəddin Əfqan oğlunun idarə etdiyi "Lada Granta" markalı avtomobil prospektin "Koroğlu" metro stansiyası istiqamətind

30 oktyabr