Ədliyyə Nazirliyi şəhid Ruhin Xəlilovun həyat yoldaşını təbrik etdi

Ədliyyə Nazirliyinin kollektivi adından Şanlı Vətən Müharibəsində şəhid olmuş I dərəcəli ədliyyə qulluqçusu Ruhin Xəlilovun həyat yoldaşı Günel xanımı doğum günü münasibətilə səmimi qəlbdən təbrik edir, möhkəm cansağlığı və uzun ömür arzulayırıq.
Günel Ruhinimizin həyat yoldaşı olaraq onun əmanət qoyub getdiyi 3 övladını şərəflə, başınızı dik tutaraq böyüdür.
Ruhin Xəlilov təkcə Günelin, övladlarının, doğmalarının deyil, bütövlükdə xalqımızın qürur mənbəyidir. Müzəffər Ali Baş Komandan cənab İlham Əliyevin yenilməz sərkərdəliyi ilə biz millət və dövlət olaraq məhz Ruhin kimi cəsur igidlərin canı, qanı bahasına erməni işğalçıları üzərində Böyük Qələbə qazandıq və adımızı tarixə qızıl hərflərlə yazdıq.
Vətən müharibəsi şəhidlərinin ailələrinin qayğıları dövlətimizin başçısının və respublikamızın Birinci vitse-prezidenti Mehriban xanım Əliyevanın daim diqqət mərkəzindədir. Onların problemlərinə həssas münasibət hər birimizin vətəndaşlıq borcudur.
Hamımız şəhidlərimizə borcluyuq və nə qədər ki, müstəqil Azərbaycan dövləti var, Ruhin kimi igidlərimizi əziz xatirəsi sonsuz rəhmət və iftixarla anılacaq.
Çox dəyərli Günel xanım! Bir daha başınız sağ olsun deyirik və əmin ola bilərsiniz ki, Sizin qayğılarınızın həlli, övladlarınızın Ruhinə layiq şəkildə qürurlu vətəndaş kimi böyüməsi üçün əlimizdən gələni əsirgəməyəcəyik.
Güneli- artıq kollektivimizin dəyərli üzvünü ad günü münasibətilə bir daha təbrik edir, fəaliyyətinizdə yeni-yeni uğurlar diləyirik.

Ədliyyə Nazirliyi İnsan hüquqları və ictimaiyyətlə əlaqələr
idarəsinin rəisi Aynur Sabitova

Telegramda izləyin