FACİƏ: Bir ailədən 20 qadın və uşaq toya gedərkən öldü - FOTO

Pakistanın Pencab əyalətində toya qayıqla yollanan 20 qadın və uşaq suda boğulublar.

Sonxeber.az BiG.AZ-a istinadən xəbər verir ki, bu barədə "Daily Mail" yazır.

Belə ki, gəminin batdığı yerdə güclü axın olub. Bəy də daxil olmaqla, 65 nəfər sahilə çıxa bilib, lakin azı 20 nəfər ölüb, daha 30 nəfər isə itkin düşüb.

Ölənlər arasında yalnız qadınlar və uşaqlar olub. Bir ailənin üzvü olan bu insanların əksəriyyəti üzməyi bacarmayıb.

Qayıqdakı sərnişinlərin dəqiq sayı məlum deyil, lakin yüzə yaxın olduğu bildirilir. Faciənin dəqiq səbəbi araşdırılır. İlkin ehtimala görə, qayıq həddindən artıq yükləndiyi üçün aşıb.

Pakistanın Baş naziri Şahbaz Şərif ölənlərin ailələrinə başsağlığı verib və hələ də itkin hesab olunanları xilas etmək üçün tapşırıq verib.

Telegramda izləyin